- Аджал соруб келмез, келсе, къайтыб кетмез.
- Эл ауузу – элек, анга ийнаннган – халек.
- Рысхысына кёре, джаш ёсер, къышлыгъына кёре, мал ёсер.
- Адамны аманы адамны бети бла ойнар.
- Сабийни джумушха джибер да, ызындан бар.
- Ишин билген, аны сыйын чыгъарады.
- Хар адамгъа кеси миннген тау кибик.
- Кийимни бичсенг, кенг бич, тар этген къыйын тюлдю.
- Ишлегенде эринме, ишде чолакъ кёрюнме.
- Къыз тиширыу кеси юйюнде да къонакъды.
- Айтылгъан сёз ызына къайтмаз.
- Къонагъынгы артмагъын алма да, алгъышын ал.
- Къазанны башы ачыкъ болса, итге уят керекди.
- Эшекни не къадар тюйсенг да, ат болмаз.
- Дуния аламаты сен эсенг да, игиме деб айтма.
- Джюрек кёзден алгъа кёрюр.
- От кюйдюрген, сау болса да, тот кюйдюрген, сау болмаз.
- Ариу – кёзге, акъыл – джюрекге.
- Тас болгъан бычакъны сабы – алтын.
- Биреуге аманлыкъ этиб, кесинге игилик табмазса.
- Къалгъан ишге къар джауар.
- Ишлегенден, къарагъан уста.
- Адамгъа аман кюн соруб келмейди.
- Джыланны къуйругъундан басарынг келсе, аны башы болгъанын унутма.
- Акъыл аздырмаз, билим тоздурмаз.
- Аш кетер да бет къалыр.
- Харам къарнашдан, халал тенг ашхы.
- Бети бедерден, намыс сакълама.
- Татлы сёз – балдан татлы.
- Тели турса – той бузар.
- Ашыкъгъанны этеги бутуна чырмалыр.
- Къарт айтханны этмеген, къартаймаз.
- Джахил болса анасы, не билликди баласы?
- Къызгъанчдан ычхыныр, мухардан ычхынмаз.
- Аджаллыгъа окъсуз шкок атылыр.
- Джан саулукъ бермей, сан саулукъ бермезсе.
- Сыфатында болмагъаны, суратында болмаз.
- Кеси юйюмде мен да ханма.
- Къошда джокъгъа – юлюш джокъ.
- Тенгни тенглиги джашай барсанг билинир.
- Эркиши – от, тиширыу – суу.
- Аджашхан тёгерек айланыр.
- Хунаны тюбюн къазсанг, юсюнге ауар.
- Къонакъ аман болса, къонакъбай джунчур
- Сёз – кюмюш, джыр – алтын.
- Арыгъан къош чамчы болур.
- Кесинге джетмегенни, кёб сёлешме.
- Эркишини аманы тиширыуну джылатыр.
- Башланнган иш битер, къымылдагъан тиш тюшер.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72