- Аман къатын сабий табса, бий болур…
- Аман эсирсе, юйюн ояр.
- Аллахдан тилесенг, кёб тиле.
- Айтхан сёзюне табылгъан.
- Байлыкъ болгъан джерде, тынчлыкъ джокъду.
- Атадан ёксюз – бир ёксюз, анадан ёксюз – эки ёксюз.
- Байдан умут эте, джарлыдан ёгюз багъасы къорады.
- Кюл тюбюндеги от кёрюнмейди.
- Кёзден кетген, кёлден да кетеди.
- Къартха ушагъан джаш – акъыллы, джашха ушагъан къарт – тели.
- Акъыллы – эл иеси, тели – эл баласы.
- Кёбге таш атма.
- Кёрмегеннге кебек – танг, битмегеннге сакъал – танг.
- Ашына кёре табагъы, балына кёре къалагъы.
- Иги сеники эсе да, сюйген кесимикин этеме.
- Къолу уллу – асыу, аягъы уллу – джарсыу.
- Джырына кёре эжиую.
- Чомарт къолда мал къалмаз.
- Ишлегенден, къарагъан уста.
- Ойнаб айтсанг да, эслеб айт.
- Душманны тышы – акъ, ичи – къара.
- Юре билмеген ит, къонакъ келтирир.
- Сыфатында болмагъаны, суратында болмаз.
- Кёбден умут этиб, аздан къуру къалма.
- Джаралыны джастыгъында сау ёлюр.
- Терек ауса, отунчу – кёб.
- Аманнга да, игиге да оноусуз къатышма.
- Ачылгъан эт джабылыр, кёрген кёз унутмаз.
- Адеб джокъда, намыс джокъ.
- Айраннга суу къош, телиге джол бош.
- Асхат ашлыкъ сата, юйдегиси ачдан къата.
- Ач къарным, тынч къулагъым.
- Юйлю уругъа ит чабмаз.
- Ашлыкъ – бюртюкден, джюн – тюкден.
- Эски джаугъа ышанма.
- Сабий болмагъан джерде, мёлек болмаз.
- Ашда уялгъан – мухар, ишде уялгъан – хомух.
- Биреуню эскиси биреуге джангы болмайды.
- Мухарны эси – ашарыкъда.
- Байлыкъ тауусулур, билим тауусулмаз.
- Ёлмесенг да, къарт дамы болмазса?
- Ишленмеклик адамлыкъды.
- Уясында не кёрсе, учханында аны этер.
- Башы джабылгъан челекге, кир тюшмез.
- Рысхы – насыбха къор.
- Тели турса – той бузар.
- Джюз элде джюз ёгюзюм болгъандан эсе, джюз джууугъум болсун.
- Баш – акъыл ючюн, акъылман – халкъ ючюн.
- Кечеси – аяз, кюню – къыш, джарлы къаргъагъа бир аш тюш!
- Ата Джуртуму башы болмасам да, босагъасында ташы болайым.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72