- Арбаз сайлама да, хоншу сайла.
- Хоншуну тауугъу къаз кёрюнюр, келини къыз кёрюнюр.
- Джарлы тюеге минсе да, ит къабар.
- Чарсда алчыны эл кёреди.
- Сабийликде юретмесенг, уллу болса – тюзелмез.
- Рысхы джалгъанды: келген да этер, кетген да этер.
- Ачылгъан эт джабылыр, кёрген кёз унутмаз.
- Босагъа таш юйге кирмей эди, тыбыр таш эшикге чыкъмай эди.
- Ашхылыкъ джерде джатмайды, аманлыкъ суугъа батмайды.
- Хатерли къул болур.
- Билгенни къолу къарны джандырыр.
- Чомартны къолун джокълукъ байлар.
- Окъумагъан сокъурду, сокъур ташха абыныр!
- Айраннга суу къош, телиге джол бош.
- Къонагъынгы артмагъын алма да, алгъышын ал.
- Эл элде бирер малынг болгъандан эсе, бирер тенгинг болсун.
- Керти сёзге тёре джокъ.
- Ёзденликни джайгъан – джокълукъ.
- Татлы сёз – балдан татлы.
- Ариу сёз джыланны орнундан чыгъарыр.
- Чабакъсыз кёлге къармакъ салгъанлыкъгъа, чабакъ тутмазса.
- Къуру гыбыт бек дыгъырдар.
- Ат да турмайды бир териде.
- Ёксюзню къалачы уллу кёрюнюр.
- Тойгъа барсанг, тоюб бар, эски тонунгу къоюб бар.
- Накъырданы арты керти болур.
- Къолунгдан къуймакъ ашатсанг да, атаны борчундан къутулмазса.
- Башы джабылгъан челекге, кир тюшмез.
- Адамны джюреги нени кёрюрге сюйсе, кёзю да аны кёрюрге ёч болады.
- Аман эсирсе, юйюн ояр.
- Тил – кесген бычакъ, сёз – атылгъан окъ.
- Эртде тургъан джылкъычыны эркек аты тай табар.
- Айран ичген – къутулду, джугъусун джалагъан – тутулду.
- Чомартха хар кюн да байрамды.
- Тюзлюк тас болмайды.
- Кёбден умут этиб, аздан къуру къалма.
- Бойнуму джети джерден кессенг да, мен ол ишни этеллик тюлме.
- Гугурук къычырмаса да, тангны атары къалмаз.
- Керилген да, ургъан кибикди.
- Эки къатын алгъан – эки ташны ортасына башын салгъан.
- Айранын берсенг, челегин да къызгъанма.
- Алма терегинден кери кетмез.
- Босагъагъа джууукъ орун болса, ашыгъыб тёрге озма.
- Биреу къой излей, биреу той излей.
- Къазанны башы ачыкъ болса, итге уят керекди.
- Адам боллукъ, атламындан белгили болур.
- Къыйынлы джети элни къайгъысын этер.
- Ёгюзню мюйюзлери ауурлукъ этмейдиле.
- Тёрени джагъы джокъ.
- Сютню башын джалагъан къутулур, тюбюн ичген тутулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72