- Джаш болсун, къыз болсун, акъылы, саны тюз болсун.
- Къая джолда джортма, ачыкъ сёзден къоркъма.
- Шайтан алдады, тюзлюк къаргъады.
- Нёгер болсанг, тенг бол, тенг болмасанг, кенг бол.
- Хар сёзню орну барды.
- Ишленмеген джаш – джюгенсиз ат, ишленмеген къыз – тузсуз хант.
- Ётюрюкню башын керти кесер.
- Акъдан къара болмаз.
- Кийим тукъум сордурур.
- Ёгюзню мюйюзлери ауурлукъ этмейдиле.
- Къарын къуру болса, джюрек уру болур.
- Аз сёлеш, кёб ишле.
- Иги джашны ышаны – аз сёлешиб, кёб тынгылар.
- Намысы болмагъанны, сыйы болмаз.
- Берекет берсин деген джерде, берекет болур.
- Адеб джокъда, намыс джокъ.
- Аджал соруб келмез, келсе, къайтыб кетмез.
- Кёкдеги болмаса, джердегин кёрмейди.
- Суугъа – таянма, джаугъа – ийнанма.
- Ауузу аманнга «иги», деме.
- Джашынгы кесинг юретмесенг, джашау юретир.
- Къайгъыны сюйген, къайгъы табар.
- Ашда уялгъан – мухар, ишде уялгъан – хомух.
- Байны оноуу, джарлыгъа джарамаз.
- Джаным-тиним – окъуу, билим.
- Аджашханны ызындагъы кёреди, джангылгъанны джанындагъы биледи.
- Ишин билген, аны сыйын чыгъарады.
- Айтхан – тынч, этген – къыйын.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашыкъгъан cуу, тенгизге джетмез.
- Ойнай-ойнай кёз чыгъар.
- Ёпкелегенни ашы татлы болады.
- Сёз къанатсыз учар.
- Къонакъ болсанг, ийнакъ бол.
- Бир абыннган – минг сюрюнюр.
- Ана – юйню кюн джарыгъы.
- Иги болса, тамадама – махтау, аман болса, меннге – айыб.
- Иги – алгъыш этер, аман – къаргъыш этер.
- Гугурук къычырмаса да, тангны атары къалмаз.
- Тойгъа барсанг, тоюб бар, эски тонунгу къоюб бар.
- Эртде тургъан джылкъычыны эркек аты тай табар.
- Къызгъанчдан ычхыныр, мухардан ычхынмаз.
- Айранны сюйген, ийнек тутар.
- Билгенни къолу къарны джандырыр.
- Тил бла келеди джыр да.
- Хар ишни да аллы къыйынды.
- Иесиз малны бёрю ашар.
- Таугъа чыгъаллыкъ эсенг, тюзде къалма.
- Мени джылытмагъан кюн, меннге тиймесин!
- Сангырау къулакъ эл бузар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72