- Джырына кёре эжиую.
- Къызбайны юйюне дери сюрсенг, батыр болур.
- Халкъгъа джарагъан, джарлы къалмаз.
- Къарт болгъан джерде, берекет болур, сабий болгъан джерде, оюн болур.
- Айранын берсенг, челегин да къызгъанма.
- Этек чакъмакълары баш джаргъан, сёлешген сёзлери таш джаргъан.
- Адеби болмагъан къыз – тузсуз хант.
- Чоюнну башы ачыкъ болса, итге уят керекди.
- Бойнуму джети джерден кессенг да, мен ол ишни этеллик тюлме.
- Ашхы – джыяр, аман – джояр.
- Къарнынг ауруса, ауузунгу тый
- Бастасын ашагъан, хантусун да ичер.
- Чабакъгъа акъыл, табагъа тюшсе келеди.
- Босагъа таш юйге кирмей эди, тыбыр таш эшикге чыкъмай эди.
- Таула не мийик болсала да, аууш табылыр.
- Гугук кесини атын айтыб къычыргъанча, мен, мен деб нек тураса?
- Джауумдан сора, кюн кюйдюрюр, ётюрюкден сора, айыб кюйдюрюр.
- Сыфатында болмагъаны, суратында болмаз.
- Айыбны суу бла джууалмазса.
- Тура эдим джата, къайдан чыкъды хата?
- Намыс сатылыб алынмайды.
- Акъыллы эркиши атын махтар, акъылсыз эркиши къатынын махтар.
- Чёбню кёлтюрсенг, тюбюнден сёз чыгъар.
- Тёзгеннге, джабылгъан эшик ачылыр.
- Биреуге аманлыкъны тилеме да, кесинге ашхылыкъны тиле.
- Тешик этген тынчды, аны джамагъан къыйынды.
- «Ма», - дегенни билмесенг, «бер», - дегенни билмезсе.
- Агъач халкъгъа алтынды, иссиликге салкъынды.
- Кийимни бичсенг, кенг бич, тар этген къыйын тюлдю.
- Джумушакъ терекни къурт ашар.
- Къралынгы – душмандан, башынгы от бла суудан сакъла.
- Ышармагъан – кюлмез, кюлмеген – къууанчны билмез.
- Кёбге таш атма.
- Джаралыны джастыгъында сау ёлюр.
- Эл элде бирер малынг болгъандан эсе, бирер тенгинг болсун.
- Башланнган иш битер, къымылдагъан тиш тюшер.
- Эринчекни эр алмаз, эр алса да, кёл салмаз, кёл салса да, кёб бармаз!
- Аманнга игилик этсенг, юйюнге сау бармазса.
- Мал ёлсе, сюек къалыр, адам ёлсе, иши къалыр.
- Рысхы джалгъанды: келген да этер, кетген да этер.
- Ашлыкъны арба юйге келтирир, чана базаргъа элтир.
- Къайгъыны сюйген, къайгъы табар.
- Ёгюзню мюйюзюнден тутадыла, адамны сёзюнден тутадыла.
- Эки къатын алгъан – эки ташны ортасына башын салгъан.
- Аш кетер да бет къалыр.
- Байны оноуу, джарлыгъа джарамаз.
- Тёзген – тёш ашар!
- Оюмсуз атлагъан, аджалсыз ёлюр.
- Джукъу тёшек сайламайды.
- Экиндини кеч къылсанг, чабыб джетер ашхам.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72