- Эр сокъур болсун, къатын тилсиз болсун.
- Байлыкъ келсе, акъыл кетер.
- Джаш къарыу бла кючлю, къарт акъыл бла кючлю.
- Тёрени джагъы джокъ.
- Аджалсыз ёлюм болмаз.
- Биреуню эскиси биреуге джангы болмайды.
- Чакъырылмагъан къонакъ – орунсуз.
- Гитче джилтин уллу элни джандырыр.
- Тик ёргени, тик энгишгеси да болады.
- Соргъан айыб тюлдю, билмеген айыбды.
- Адеб джокъда, намыс джокъ.
- Аман эсирсе, юйюн ояр.
- Эрни эр этерик да, къара джер этерик да, тиширыуду.
- Аман къатын сабий табса, бий болур…
- Таукелге нюр джауар.
- Эринчекни эр алмаз, эр алса да, кёл салмаз, кёл салса да, кёб бармаз!
- Суугъа – чабакъ, къаягъа – ыргъакъ.
- Джогъун бар этген, барын бал этген.
- Дуния аламаты сен эсенг да, игиме деб айтма.
- Джюрекге ариу – кёзге да ариу.
- Хар ишни да аллы къыйынды.
- Кийим тукъум сордурур.
- Этни да ашады, бетни да ашады.
- Тилчи тилден къаныкъмаз.
- Эки къатын алгъанны къулагъы тынгнгаймаз.
- Бозанг болмагъан джерге, къалагъынгы сукъма.
- Ата – билек, ана – джюрек!
- Джырына кёре эжиую.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл элде бирер малынг болгъандан эсе, бирер тенгинг болсун.
- Къар – келтирди, суу – элтди.
- Къайгъыны сюйген, къайгъы табар.
- Ашда уялгъан – мухар, ишде уялгъан – хомух.
- Къуллукъчума, деб махтанма, къуллукъ – хаух джамчыды!
- Керек ташны ауурлугъу джокъ.
- Башланнган иш битер, къымылдагъан тиш тюшер.
- Билимсиз иш бармаз.
- Адам къаллай бир ишленмесе, аллай бир кесин уллу кёреди.
- Бал ашаргъа сюе эсенг, чибин ургъаннга тёз.
- Окъугъанны бети джарыкъ.
- Аш берме да, къаш бер.
- Баш – акъыл ючюн, акъылман – халкъ ючюн.
- Окъугъан озар, окъумагъан тозар.
- «Ма», - дегенни билмесенг, «бер», - дегенни билмезсе.
- Кийимни бир кюнню аясанг, минг кюннге джарар.
- Аз сёлешген, къайгъысыз турур.
- Къан бла кирген, джан бла чыгъар.
- Адамны джюреги нени кёрюрге сюйсе, кёзю да аны кёрюрге ёч болады.
- Зар адамны насыбы болмаз.
- Джарашыу сюйген – джалынчакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72