- Аш иеси бла татлыды.
- Таш ата билмеген, башына урур.
- Кийим тукъум сордурур.
- Болджал ишни бёрю ашар.
- Ишни ахырын ойламай, аллын башлама.
- Этим кетсе да, сюегим къалыр.
- Мал кёб болса, джууукъ кёб болур.
- Ауузу аманнга «иги», деме.
- Аман адам этегингден тутса, кес да къач.
- Къайгъыны сюйген, къайгъы табар.
- Тамчы таш тешер.
- Иги сёз – джаннга азыкъ, аман сёз башха – къазыкъ.
- Джуртун къоругъан озар.
- Бир абыннган – минг сюрюнюр.
- Насыблы элин сюер, насыбсыз кесин сюер.
- Байны оноуу, джарлыгъа джарамаз.
- Зар адам ашынгы ашар, кесинги сатар.
- Адамгъа аман кюн соруб келмейди.
- Эки къатын алгъанны къулагъы тынгнгаймаз.
- Агъач халкъгъа алтынды, иссиликге салкъынды.
- Ариу – кёзге, акъыл – джюрекге.
- Юй кюйдю да, кюйюз чыкъды, ортасындан тюйюш чыкъды.
- Иги – алгъыш этер, аман – къаргъыш этер.
- Къонакъ аман болса, къонакъбай джунчур
- Тешигини къатында, чычхан да батыр болур.
- Къан бла кирген, джан бла чыгъар.
- Кеси юйюмде мен да ханма.
- Гырджын – тепсини тамадасы.
- Айранын берсенг, челегин да къызгъанма.
- Шайтан алдады, тюзлюк къаргъады.
- Керти сёзге тёре джокъ.
- Ашхы атаны – джашы ашхы, ашхы ананы – къызы ашхы.
- Адам къаллай бир ишленмесе, аллай бир кесин уллу кёреди.
- Джол бла сёзню къыйыры джокъ.
- Эринчекге кюн узун.
- Айран ичген – къутулду, джугъусун джалагъан – тутулду.
- Борчунг бар эсе, хурджунунга ойлаб узал.
- Ёксюзню тилеги къабыл болур.
- Магъанасыз сёз – тауушсуз сыбызгъы.
- Тюз сёз баргъан сууну тыяр.
- Къулакъдан эсе, кёзге ышан.
- Ач къалгъандан, кеч къалгъан къолай.
- Аманнга алтын чыдамаз.
- Айырылмаз джууугъунга, унутмаз сёзню айтма.
- Босагъагъа джууукъ орун болса, ашыгъыб тёрге озма.
- Телини эшигин, махтау джабар.
- Кесинг сынамагъан затны, адамгъа буюрма.
- Мал ёлсе, сюек къалыр, адам ёлсе, иши къалыр.
- От кюйдюрген, сау болса да, тот кюйдюрген, сау болмаз.
- Джырчы джырчыгъа – къарнаш.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72