- Акъыллы эркиши атын махтар, акъылсыз эркиши къатынын махтар.
- «Ёгюз, джаргъа джууукъ барма, меннге джюк боллукъса», - дегенди эшек.
- Эл бла кёргенинг эрелей.
- Къайтырыкъ эшигинги, къаты уруб чыкъма.
- Билген билмегенни юретген адетди.
- Тели турса – той бузар.
- Адеб базарда сатылмаз.
- Кёл ашады да, кеси ашады.
- Иги – алгъыш этер, аман – къаргъыш этер.
- Хантына кёре тузу, юйюне кёре къызы.
- Къызын тута билмеген, тул этер, джашын тута билмеген, къул этер.
- Къонакъ кёб келюучю юйню, къазаны отдан тюшмез.
- Бал – татлы, балдан да бала – татлы.
- Соргъан айыб тюлдю, билмеген айыбды.
- Аман къатын алгъан, арыр, иги къатын алгъан джарыр.
- Къарт болгъан джерде, берекет болур, сабий болгъан джерде, оюн болур.
- Хар адамгъа кеси миннген тау кибик.
- Аджашхан тёгерек айланыр.
- Окъугъанны бети джарыкъ.
- Экеу тутушса, биреу джыгъылыр.
- Ач да бол, токъ да бол – намысынга бек бол.
- Иги сёз – джаннга азыкъ, аман сёз башха – къазыкъ.
- Тойгъан антын унутур.
- Шекер бла туз – бир болмаз, ушамагъан – юй болмаз.
- Суугъа – таянма, джаугъа – ийнанма.
- Эрине къаргъыш этген къатын, эрнин къабар.
- Хоншуну тауугъу къаз кёрюнюр, келини къыз кёрюнюр.
- Джаралыны джастыгъында сау ёлюр.
- Тёрени джагъы джокъ.
- Къартны бурнун сюрт да, оноугъа тут.
- Бозанг болмагъан джерге, къалагъынгы сукъма.
- Аманны къуугъан, аманлыкъ табар.
- Ана кёлю – балада, бала кёлю – талада.
- Сабийликде юретмесенг, уллу болса – тюзелмез.
- Баргъанынга кёре болур келгенинг.
- Биреуню къыйынлыгъы бла кесинге джол ишлеме.
- Босагъагъа джууукъ орун болса, ашыгъыб тёрге озма.
- Сёз садакъдан кючлюдю.
- Харам къарнашдан, халал тенг ашхы.
- Дуния малгъа сатылма, кесингден телиге къатылма.
- Чакъырылмагъан къонакъ къачан кетерин сормаз.
- Шайтан алдады, тюзлюк къаргъады.
- Эркишини аманы тиширыуну джылатыр.
- Чабакъ башындан чирийди.
- Тюкюрюк баш джармаз, налат кёз чыгъармаз!
- Сакъламагъан затынга джолукъсанг, не бек къууанаса, не бек ачыйса.
- Къууут – джелге, берне – бошха.
- Иесиз малны бёрю ашар.
- Гитче джилтин уллу элни джандырыр.
- Алтыда кюлмеген, алтмышда кюлмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72