- Ишни ахырын ойламай, аллын башлама.
- Келинни – келгинчи, бёркню кийгинчи кёр.
- Aдам боллукъ, сыфатындан белгили.
- Алим болгъандан эсе, адам болгъан къыйынды.
- Татлы сёз – балдан татлы.
- Джолда аягъынга сакъ бол, ушакъда тилинге сакъ бол.
- Ач, тоймам, дейди, тойгъан, ач болмам, дейди.
- Сабийликде юретмесенг, уллу болса – тюзелмез.
- Ата Джуртун танымагъан, атасын да танымаз.
- Айыбны суу бла джууалмазса.
- Шапа кёб болса, аш татымсыз болур.
- Адамны сыфатына къарама, сёзюне къара.
- Берекет берсин деген джерде, берекет болур.
- Бал ашаргъа сюе эсенг, чибин ургъаннга тёз.
- Кёзю сокъурдан – къоркъма, кёлю сокъурдан – къоркъ.
- Абынмазлыкъ аякъ джокъ, джангылмазлыкъ джаякъ джокъ.
- Къралынгы – душмандан, башынгы от бла суудан сакъла.
- Тойгъандан сора, ашны сёкме.
- Айырылмаз джууугъунга, унутмаз сёзню айтма.
- Айраннга суу къош, телиге джол бош.
- Бюгюн дуния кибик, тамбла ахыратды.
- Эки къатын алгъанны къулагъы тынгнгаймаз.
- Чакъырылмай келген къонакъ сыйланмай кетер.
- Ойнай билмеген, оюн бузар.
- Тил – миллетни джаны.
- Эл бла кёргенинг эрелей.
- Тёзген – тёш ашар!
- Дууулдаса – бал чибин, къонса – къара чибин.
- Иги сёз – джаннга азыкъ, аман сёз башха – къазыкъ.
- Ишин билген, аны сыйын чыгъарады.
- Намысы джокъну – дуниясы джокъ.
- Ишленмеклик адамлыкъды.
- Къая джолда джортма, ачыкъ сёзден къоркъма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Суу кетер, таш къалыр.
- Суугъа – чабакъ, къаягъа – ыргъакъ.
- Сёз садакъдан кючлюдю.
- Билими азны – ауузунда кирит.
- Биреу къой излей, биреу той излей.
- Байлыкъ адамны сокъур этер.
- Ауругъанны сау билмез, ач къарынны токъ билмез.
- Тешигини къатында, чычхан да батыр болур.
- Джырчы джырчыгъа – къарнаш.
- Алгъанда – джууукъ, бергенде – джау.
- Ашыкъгъан cуу, тенгизге джетмез.
- Кёбге таш атма.
- Бети къызарыучу адамны, джюреги харам болмаз.
- Акъыл сабырлыкъ берир.
- Харам къарнашдан, халал тенг ашхы.
- Агъач – джерни чырайы, кийим – эрни чырайы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72