- Сакъ юйюне сау барыр.
- Эшекге миннген – биринчи айыб, андан джыгъылгъан – экинчи айыб.
- Алтыда кюлмеген, алтмышда кюлмез.
- Джангыз торгъай джырламаз.
- Элге къуллукъ этмеген, элге ие болмаз.
- Адам сёзюнден белгили.
- Къарт айтханны этмеген, къартаймаз.
- Уясында не кёрсе, учханында аны этер.
- Джарашыу сюйген – джалынчакъ.
- Къайгъыны сюйген, къайгъы табар.
- Тай асырагъан, атха минер.
- Окъугъанны бети джарыкъ.
- Хунаны тюбюн къазсанг, юсюнге ауар.
- Окъдан джара эртде-кеч болса да бителир, сёз джара, ёмюрге къалыр.
- Къазанны башы ачыкъ болса, итге уят керекди.
- Эки ойлашыб, бир сёлешген.
- Ашда уялгъан – мухар, ишде уялгъан – хомух.
- Джашлыкъ этмеген, башлыкъ этмез.
- Дууулдаса – бал чибин, къонса – къара чибин.
- Къартны сыйын кёрмеген, къартлыгъында сыйлы болмаз.
- Экеулен сёлеше тура эселе, орталарына барыб кирме.
- Къулакъдан эсе, кёзге ышан.
- Онгсузну – джакъла, тенгликни – сакъла.
- Тамырсыз терекге таянма – джыгъылырса.
- Аякъларынгы джууургъанынга кёре узат.
- Къарыусузгъа кюлме, онгсузгъа тийме.
- Сютню башын джалагъан къутулур, тюбюн ичген тутулур.
- Тюзлюк шохлукъну бегитир.
- Чомарт къолда мал къалмаз.
- Ётюрюкню башын керти кесер.
- Тилсиз миллет джокъ болур.
- Сабыр джетер муратха, сабырсыз къалыр уятха.
- Башы джабылгъан челекге, кир тюшмез.
- Иги адам абынса да, джангылмаз.
- Джылар джаш, атасыны сакъалы бла ойнар.
- Айтылгъан буйрукъ, сёгюлмез
- Тели турса – той бузар.
- Тёзгеннге, джабылгъан эшик ачылыр.
- Зар адам ашынгы ашар, кесинги сатар.
- Тил – кесген бычакъ, сёз – атылгъан окъ.
- Нёгер болсанг, тенг бол, тенг болмасанг, кенг бол.
- Джашны джигитлиги сорулур, къызны джигерлиги сорулур.
- Ойнай билмеген, уруб къачар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлген аслан – сау чычхан.
- Тулпарлыкъ, билекден тюл – джюрекден.
- Чакъырылмагъан джерге барма, чакъырылгъан джерден къалма.
- Ана – юйню кюн джарыгъы.
- Босагъа таш юйге кирмей эди, тыбыр таш эшикге чыкъмай эди.
- Хоншуну тауугъу къаз кёрюнюр, келини къыз кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72