- Байлыкъ болгъан джерде, тынчлыкъ джокъду.
- Ашыкъгъанны этеги бутуна чырмалыр.
- Къонагъынгы артмагъын алма да, алгъышын ал.
- Акъыллы эркиши атын махтар, акъылсыз эркиши къатынын махтар.
- Эр сокъур болсун, къатын тилсиз болсун.
- Ариуну – ауруу кёб.
- Aдам боллукъ, сыфатындан белгили.
- Адамны аманы адамны бети бла ойнар.
- Кирсизни – саны таза, халалны – къаны таза.
- Къая джолда джортма, ачыкъ сёзден къоркъма.
- Ауузу аманнга «иги», деме.
- Ашлыкъ – бюртюкден, джюн – тюкден.
- Уллу айтханны этмеген – уллаймаз.
- Айырылгъанланы айю ашар, бёлюннгенлени бёрю ашар.
- Къонакъ хазыр болгъанлыкъгъа, къонакъбай хазыр тюлдю.
- Дуния аламаты сен эсенг да, игиме деб айтма.
- Тин – байлыгъынг, терен саулугъунг.
- Таукел къуру къалмаз.
- Киштикге къанат битсе, чыпчыкъ къалмаз эди.
- Ётген ёмюр – акъгъан суу.
- Берекет берсин деген джерде, берекет болур.
- Къызбайны юйюне дери сюрсенг, батыр болур.
- Ата Джуртуму башы болмасам да, босагъасында ташы болайым.
- Къошда джокъгъа – юлюш джокъ.
- Джаралыны джастыгъында сау ёлюр.
- Оюмсуз атлагъан, аджалсыз ёлюр.
- Келинин тута билмеген, къул этер, къызын тута билмеген, тул этер.
- Атлыны кёрсе, джаяуну буту талыр.
- Эл ауузу – элек, анга ийнаннган – халек.
- Дууулдаса – бал чибин, къонса – къара чибин.
- Абынмазлыкъ аякъ джокъ, джангылмазлыкъ джаякъ джокъ.
- Намысы болмагъанны, сыйы болмаз.
- Аз айтсам, кёб ангылагъыз.
- Ариу сёз – джаннга азыкъ, аман сёз – башха къазыкъ.
- Къан бла кирген, джан бла чыгъар.
- Аман адам этегингден тутса, кес да къач.
- Къарнынг ауруса, ауузунгу тый
- Джигер – джаннга къыйынлыкъ.
- Къыз келсе, джумуш эте келеди, къатын келсе, ушакъ эте келеди.
- Акъыллы башны – тили къысха.
- Итли къонакъ джарашмаз.
- Терек ауса, отунчу – кёб.
- Чакъырылмагъан джерге барма, чакъырылгъан джерден къалма.
- Къарт бла баш аша, джаш бла аякъ аша.
- Ариу сёзде ауруу джокъ.
- Ашын ашагъанынгы, башын да сыйла.
- Къумурсхала джыйылсала, пилни да джыгъадыла.
- Окъуу – билимни ачхычы, окъуу – дунияны бачхычы.
- Ёзденликни кёбю ётюрюк.
- Тилсиз миллет джокъ болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72