- Сабыр джетер муратха, сабырсыз къалыр уятха.
- Аман къатын сабий табса, бий болур…
- Адамны сабийин сюйген джюреги, бычакъча, джитиди.
- Айраннга суу къош, телиге джол бош.
- Кёбню кёрген – кёб билир.
- Кюн кёрмеген, кюн кёрсе, кюндюз чыракъ джандырыр.
- Аллахха ийнаннган кишини, Аллах онгдурур ишин.
- Aдам боллукъ, сыфатындан белгили.
- Айырылгъанланы айю ашар, бёлюннгенлени бёрю ашар.
- Ата джурт – алтын бешик.
- Кёзю сокъурдан – къоркъма, кёлю сокъурдан – къоркъ.
- Ач отунчуну ачыуу – бурнунда.
- Аджашханны ызындагъы кёреди, джангылгъанны джанындагъы биледи.
- Таш бла ургъанны, аш бла ур.
- Тиширыусуз юй – отсуз от джагъа.
- Кёб джашагъан – кёб билир.
- Тёрдеги кюлсе, эшикдеги ышарыр.
- Эм ашхы къайын ана мамукъ бла башынгы тешер.
- Чакъырылмагъан джерге барма, чакъырылгъан джерден къалма.
- Байдан умут эте, джарлыдан ёгюз багъасы къорады.
- Ашхы тенг джолгъа салыр, аман тенг джолдан тайдырыр.
- Чакъырылмагъан къонакъ – орунсуз.
- Джерни букъусу кёкге къонмаз.
- Аман эсирсе, юйюн ояр.
- Билеги кючлю, бирни джыгъар, билими кючлю, мингни джыгъар.
- Этни да ашады, бетни да ашады.
- Келгинчи, къонакъ уялыр, келгенден сора, къонакъбай уялыр.
- Термилгенинги табмазса, кюлгенинге тюберсе.
- Ёлюр джаннга, ёкюл джокъ.
- Джигер – джаннга къыйынлыкъ.
- Телини эшигин, махтау джабар.
- Ёгюзню мюйюзлери ауурлукъ этмейдиле.
- Башы джабылгъан челекге, кир тюшмез.
- Кёл ашады да, кеси ашады.
- Ашда уялгъан – мухар, ишде уялгъан – хомух.
- Окъугъанны бети джарыкъ.
- Игиге айтсанг – билир, аманнга айтсанг – кюлюр.
- Абынмазлыкъ аякъ джокъ, джангылмазлыкъ джаякъ джокъ.
- Алтыннга тот къонмаз.
- Кирсизни – саны таза, халалны – къаны таза.
- Къар – келтирди, суу – элтди.
- Келинин тута билмеген, къул этер, къызын тута билмеген, тул этер.
- Иги адам абынса да, джангылмаз.
- Намыс болмагъан джерде, насыб болмаз.
- Ауурну тюбю бла, дженгилни башы бла джюрюген.
- Билгенни къолу къарны джандырыр.
- Ётген ёмюр – акъгъан суу.
- Хар сёзню орну барды.
- Татлы тилде – сёз ариу, чемер къолда – иш ариу.
- Ариу сёз аурууунгу алыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72