- Аман эсирсе, юйюн ояр.
- Адамны адамлыгъы къыйынлыкъда айгъакъланады.
- Эм ашхы къайын ана мамукъ бла башынгы тешер.
- Билим ат болуб да чабар, къуш болуб да учар.
- Таш бла ургъанны, аш бла ур.
- Айранын берсенг, челегин да къызгъанма.
- Шекер бла туз – бир болмаз, ушамагъан – юй болмаз.
- Эрине къаргъыш этген къатын, эрнин къабар.
- Байдан умут эте, джарлыдан ёгюз багъасы къорады.
- Байлыкъ тауусулур, билим тауусулмаз.
- Насыб бютеу халкъны юлюшюдю.
- Минг тенг да азды, бир джау да кёбдю.
- Аджашханны ызындагъы кёреди, джангылгъанны джанындагъы биледи.
- Тай асырагъан, атха минер.
- Бозанг болмагъан джерге, къалагъынгы сукъма.
- Ауузу бла къуш тута айланады.
- Къарнынг бла ёч алма.
- Акъыллы айтыр эди, акъылсыз къоймайды.
- Юй ишлеген балта эшикде къалыр.
- Уллу суу бла уллу ауруудан башынгы сакъла.
- Ашына кёре табагъы, балына кёре къалагъы.
- Ашхы адам – халкъ байлыгъы, ашхы джер – джашау байлыгъы.
- Байны оноуу, джарлыгъа джарамаз.
- Ётюрюкчюню шагъаты – къатында.
- Ётюрюкден тюбю джокъ, кёлтюрюрге джиби джокъ.
- Ёлюк кебинсиз къалмаз.
- Джыйырма къойну юч джыйырма эбзе кюте эди.
- Окъугъанны бети джарыкъ.
- Рысхы – сют юсюнде кёмюк кибикди.
- Кийимни бир кюнню аясанг, минг кюннге джарар.
- Иесиз малны бёрю ашар.
- Къралынгы – душмандан, башынгы от бла суудан сакъла.
- Азыкъ аз болса, эртде орун сал.
- Ауругъан – джашаудан умутчу.
- Аз сёлешген, къайгъысыз турур.
- Намыс болмагъан джерде, насыб болмаз.
- Айырылгъанланы айю ашар, бёлюннгенлени бёрю ашар.
- Тёрде – темир таякълы, къаяда – чыпчыкъ аякълы.
- Бир онгсуз адам адет чыгъарды, деб эштирик тюлсе.
- Билмезни кёзю кёрмез, этмезни къулагъы эшитмез.
- Элиб деген, элге болушур.
- Малны кют, джерни тюрт.
- Байлыкъ болгъан джерде, тынчлыкъ джокъду.
- Ёлген аслан – сау чычхан.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бюгюн дуния кибик, тамбла ахыратды.
- Агъач халкъгъа алтынды, иссиликге салкъынды.
- Чакъырылмагъан къонакъ тёрге атламаз.
- Тешигини къатында, чычхан да батыр болур.
- Чомартны къолу берекет.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72