- Къралынгы – душмандан, башынгы от бла суудан сакъла.
- Арыгъан къош чамчы болур.
- Суугъа – таянма, джаугъа – ийнанма.
- Урама да – ёледи, сатама да – келеди.
- Чакъырылмагъан къонакъ къачан кетерин сормаз.
- Соргъан айыб тюлдю, билмеген айыбды.
- Чомартны къолун джокълукъ байлар.
- Юре билмеген ит, къонакъ келтирир.
- Эки элинги тыйсанг, джети элде махталырса.
- Сибиртки да сыйлы болду, кюрек да кюнлю болду.
- Джол бла сёзню къыйыры джокъ.
- Акъдан къара болмаз.
- Тенгни тенглиги джашай барсанг билинир.
- Аман адам этегингден тутса, кес да къач.
- Намыс сатылыб алынмайды.
- Ишлерге уял да, ашаргъа табма.
- Дженгил джетерикме деб, узун джолну къоюб, къысхасын барма.
- Тели турса – той бузар.
- Джукъу тёшек сайламайды.
- Сабий болмагъан джерде, мёлек болмаз.
- Ашхы адам – халкъ байлыгъы, ашхы джер – джашау байлыгъы.
- Биреуню къыйынлыгъы бла кесинге джол ишлеме.
- Джарашыу сюйген – джалынчакъ.
- Танг атмайма десе да, кюн къоярыкъ тюйюлдю.
- Тас болгъан бычакъны сабы – алтын.
- От кюйдюрген, сау болса да, тот кюйдюрген, сау болмаз.
- Шекер бла туз – бир болмаз, ушамагъан – юй болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Тин – байлыгъынг, терен саулугъунг.
- Эллинг бла джау болсанг да, юйюнг бла джау болма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Зар адамны насыбы болмаз.
- Башы ишлегенни, ауузу да ишлер.
- Тамырсыз терекге таянма – джыгъылырса.
- Кёзю сокъурдан – къоркъма, кёлю сокъурдан – къоркъ.
- Уллу атлама – абынырса, уллу къабма – къарылырса.
- Адамны джюреги нени кёрюрге сюйсе, кёзю да аны кёрюрге ёч болады.
- Зарда марда джокъ.
- Джюрекден джюрекге джол барды.
- Тулпарлыкъ, билекден тюл – джюрекден.
- Арпа, будай – ащды, алтын, кюмюш а – ташды.
- Ёксюзню къалачы уллу кёрюнюр.
- Тешигини къатында, чычхан да батыр болур.
- Ёлюк кебинсиз къалмаз.
- Адамны адамлыгъы къыйынлыкъда айгъакъланады.
- Байлыкъ болгъан джерде, тынчлыкъ джокъду.
- Аман къатын сабий табса, бий болур…
- Адамны артындан къара сабан сюрме.
- Тау башында, тау болмаз, джангыз терек, бау болмаз.
- Эки къатын алгъанны къулагъы тынгнгаймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72