- Къонакъ хазыр болгъанлыкъгъа, къонакъбай хазыр тюлдю.
- Башы ишлегенни, ауузу да ишлер.
- Къарын къуру болса, джюрек уру болур.
- Аллахха ийнаннган кишини, Аллах онгдурур ишин.
- Къатын байлыкъны сюер, эр саулукъну сюер.
- Къонагъынгы артмагъын алма да, алгъышын ал.
- Джетген къыз джерли эшекни танымаз.
- Кирсизни – саны таза, халалны – къаны таза.
- Кесине гебен этелмеген, биреуге черен эте эди.
- Эки ойлашыб, бир сёлешген.
- Къан бла кирген, джан бла чыгъар.
- Ашхы сёз таш тешер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джылар джаш, атасыны сакъалы бла ойнар.
- Хантына кёре тузу, юйюне кёре къызы.
- Намысы болмагъанны, сыйы болмаз.
- Билим – акъылны чырагъы.
- Эркиши – от, тиширыу – суу.
- Эки элинги тыйсанг, джети элде махталырса.
- Бал ашаргъа сюе эсенг, чибин ургъаннга тёз.
- Мухарны эси – ашарыкъда.
- Аман киши кеси юйюнде – къонакъ.
- Аш кетер да бет къалыр.
- Къумурсхала джыйылсала, пилни да джыгъадыла.
- Адам боллукъ, атламындан белгили болур.
- Ашхы болсанг, атынг чыгъар, аман болсанг, джанынг чыгъар.
- Ханы къызы буюгъа-буюгъа киштик болду.
- Тилсиз миллет джокъ болур.
- Аджашханны ызындагъы кёреди, джангылгъанны джанындагъы биледи.
- Аджал соруб келмез, келсе, къайтыб кетмез.
- Баш – акъыл ючюн, акъылман – халкъ ючюн.
- Джангызны оту джарыкъ джанмаз!
- Къая джолда джортма, ачыкъ сёзден къоркъма.
- Ана къолу ачытмаз.
- Ана къойну – балагъа джандет.
- Окъуусуз билим – джокъ, билимсиз кюнюнг – джокъ.
- Кийимни бичсенг, кенг бич, тар этген къыйын тюлдю.
- Ата – баланы уясы.
- Ёлген эшек бёрюден къоркъмайды.
- Тойгъан джерден туугъан джер игиди.
- Аш иеси бла татлыды.
- Таукел адам тау тешер.
- Къатыны харакетли болса, эри къымсыз болур.
- Ашхы атаны – джашы ашхы, ашхы ананы – къызы ашхы.
- Бетинги сатма, малынгы сат.
- Къобан да къуру да къобханлай турмайды, адам да къуру да патчахлай турмайды.
- Игилик игилик бла сингдирилиучю затды.
- Ата Джуртча джер болмаз, туугъан элча эл болмаз.
- Ёлюр джаннга, ёкюл джокъ.
- Ашда – бёрю, ишде – ёлю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72