- Джангыз терек къынгыр ёсер.
- Этни да ашады, бетни да ашады.
- Иги сёз – джаннга азыкъ, аман сёз башха – къазыкъ.
- Сютню башын джалагъан къутулур, тюбюн ичген тутулур.
- Джангыз торгъай джырламаз.
- Ёлген ийнек сютлю болур.
- Кёб къычыргъандан – къоркъма, тынч олтургъандан – къоркъ.
- Ёксюзню къалачы уллу кёрюнюр.
- Къар – келтирди, суу – элтди.
- Аджашханны ызындагъы кёреди, джангылгъанны джанындагъы биледи.
- Биреуге аманлыкъны тилеме да, кесинге ашхылыкъны тиле.
- Таукел адам тау тешер.
- Ашлыкъ – бюртюкден, джюн – тюкден.
- Тенгинг джокъ эсе – изле, бар эсе – сакъла!
- Насыб бютеу халкъны юлюшюдю.
- Бозанг болмагъан джерге, къалагъынгы сукъма.
- Джангызны оту джарыкъ джанмаз!
- Ач уят къоймаз.
- Къонагъынгы артмагъын алма да, алгъышын ал.
- Аман къатын сабий табса, бий болур…
- Атлыны ашхысы, ат тизгининден билинир
- Кёб ант этген, кёб ётюрюк айтыр.
- Юйлю уругъа ит чабмаз.
- Чабакъ башындан чирийди.
- Келлик заман – къартлыкъ келтирир, кетген заман – джашлыкъ ёлтюрюр.
- Агъач халкъгъа алтынды, иссиликге салкъынды.
- Таугъа чыгъаллыкъ эсенг, тюзде къалма.
- Тенгни тенглиги джашай барсанг билинир.
- Ушамагъан – джукъмаз.
- Таш бла ургъанны, аш бла ур.
- Тиширыусуз юй – отсуз от джагъа.
- Эринчекни эр алмаз, эр алса да, кёл салмаз, кёл салса да, кёб бармаз!
- Билим – акъылны чырагъы.
- Билимли ёлмез, билимсиз кёрмез.
- Ёлюр джаннга, ёкюл джокъ.
- Ётюрюк хапар аякъ тюбю бла джюрюйдю.
- Эски джаугъа ышанма.
- Хатерли къул болур.
- Ойнай билмеген, уруб къачар.
- Джарлыны тону джаз битер.
- Ёмюрлюк шохлукъну джел элтмез.
- Къарын къуру болса, джюрек уру болур.
- Акъыл бла адеб эгизледиле.
- Иши джокъну, сыйы джокъ.
- Кесинге джетмегенни, кёб сёлешме.
- Сакъламагъан затынга джолукъсанг, не бек къууанаса, не бек ачыйса.
- Нафысынгы айтханын этме, намысынгы айтханын эт.
- Ойнай билмеген, оюн бузар.
- Нарт сёз къарт болмаз.
- Ана кёлю – балада, бала кёлю – талада.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72