- Ашына кёре табагъы, балына кёре къалагъы.
- Чомарт къолда мал къалмаз.
- Ачыкъ джюрекге джол – ачыкъ.
- Аман эсирсе, юйюн ояр.
- Айран ичген – къутулду, джугъусун джалагъан – тутулду.
- Шайтан алдады, тюзлюк къаргъады.
- Джаз бир кюнню джатсанг, къыш талай кюнню абынырса.
- Келинни – келгинчи, бёркню кийгинчи кёр.
- Терслик кетер, тюзлюк джетер.
- Тыш элде солтан болгъандан эсе, кесинги элде олтан болгъан игиди!
- Иги – алгъыш этер, аман – къаргъыш этер.
- Сууда джау джокъ, кёб сёзде магъана джокъ.
- Ачлыкъ отха секиртир.
- Мал кёб болса, джууукъ кёб болур.
- Тюзлюк шохлукъну бегитир.
- Айранны сюйген, ийнек тутар.
- Тойгъан антын унутур.
- Къызбайны юйюне дери сюрсенг, батыр болур.
- Огъурлуну сёзю – суу, огъурсузну сёзю – уу.
- Къонакъ аз олтурур, кёб сынар.
- Ариу джол аджал келтирмез.
- Джырчы ёлсе, джыры къалыр.
- Тил – кесген бычакъ, сёз – атылгъан окъ.
- Ашхы болсанг, атынг чыгъар, аман болсанг, джанынг чыгъар.
- Ашхы тенг джолгъа салыр, аман тенг джолдан тайдырыр.
- Босагъа таш юйге кирмей эди, тыбыр таш эшикге чыкъмай эди.
- Кеси юйюмде мен да ханма.
- Бир абыннган – минг сюрюнюр.
- Миллетни бойну – базыкъ, аны бла кюрешген – джазыкъ.
- Адам къаллай бир ишленмесе, аллай бир кесин уллу кёреди.
- Телиге акъыл салгъандан эсе, ёлгеннге джан салырса.
- Иши джокъну, сыйы джокъ.
- Сютню башын джалагъан къутулур, тюбюн ичген тутулур.
- Ичимден чыкъды хата, къайры барайым сата?
- Тил джюрекге джол ишлейди.
- Эм уллу байлыкъ – джан саулукъ.
- Халкъны юйю – туугъан джери.
- Юйюнг бла джау болгъандан эсе, элинг бла джау бол.
- От этилмеген джерден тютюн чыкъмайды.
- Накъырда – кертини келечиси.
- Сабийни джумушха джибер да, ызындан бар.
- Ишленмеген джаш – джюгенсиз ат, ишленмеген къыз – тузсуз хант.
- Кёб джашагъан – кёб билир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Баш – акъыл ючюн, акъылман – халкъ ючюн.
- Акъыл аздырмаз, билим тоздурмаз.
- Бюгюн дуния кибик, тамбла ахыратды.
- Тойчу джашха къарама, къойчу джашха къара.
- Тин – байлыгъынг, терен саулугъунг.
- Чомартха хар кюн да байрамды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72