- Чомартны къолу берекет.
- Аманнга да, игиге да оноусуз къатышма.
- Тёрдеги кюлсе, эшикдеги ышарыр.
- Аманнга игилик этсенг, юйюнге сау бармазса.
- Ёлген аслан – сау чычхан.
- Эки итни арасына сюек атма, эки адамны арасында сёз чыгъарма.
- Бети – къучакълар, джюреги – бычакълар.
- Аджашханны ызындагъы кёреди, джангылгъанны джанындагъы биледи.
- Джетген къыз джерли эшекни танымаз.
- Ачны эсинде – аш.
- Акъыл бла адеб эгизледиле.
- Аман къатын сабий табса, бий болур…
- Къонакъны къачан кетерин сорма, къачан келлигин сор.
- Акъыл сабырлыкъ берир.
- Тас болгъан бычакъны сабы – алтын.
- Кесине гебен этелмеген, биреуге черен эте эди.
- Тилчи тилден къаныкъмаз.
- Къатыны харакетли болса, эри къымсыз болур.
- Ариу сёз джыланны орнундан чыгъарыр.
- Сабий кёргенин унутмаз.
- Душманны тышы – акъ, ичи – къара.
- Билим – акъылны чырагъы.
- Ашатыргъа иш – ашхы, ишлетирге аш – ашхы.
- Кёзден кетген, кёлден да кетеди.
- Урунуу – насыбны анасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тешик этген тынчды, аны джамагъан къыйынды.
- Аджалсыз ёлюм болмаз.
- Нарт сёз къарт болмаз.
- Аманны къуугъан, аманлыкъ табар.
- Иги адамны бир сёзю эки болмаз.
- Ашхы адам – халкъ байлыгъы, ашхы джер – джашау байлыгъы.
- Уясында не кёрсе, учханында аны этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Ханнга да келеди хариблик.
- Садакъачыны джаны – къапчыгъында.
- Танг атмайма десе да, кюн къоярыкъ тюйюлдю.
- Зарда марда джокъ.
- Ишни ахырын ойламай, аллын башлама.
- Чабар ат – джетген къыз.
- Джолунга кёре – джюрюшюнг, джагъанга кёре – юлюшюнг.
- Насыб бютеу халкъны юлюшюдю.
- Билимден уллу байлыкъ джокъду.
- Айныгъанлы алты кюн, тогъайгъанлы тогъуз кюн.
- Джырчы ёлсе, джыры къалыр.
- Юйюнг бла джау болгъандан эсе, элинг бла джау бол.
- Келинин тута билмеген, къул этер, къызын тута билмеген, тул этер.
- Чыкълы кюнде чыкъмагъан, чыкъса къуру кирмеген.
- Юйлю уругъа ит чабмаз.
- Ачлыкъда тары гырджын халыуадан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72