Эльбрусоид :: Форум :: Архив форумов

Сагъышы джокъ – джукъучу, акъылы джокъ – къаугъачы.
Элде адам къалмаса, ит тахтагъа минер.
Танг атмайма десе да, кюн къоярыкъ тюйюлдю.
Тил – кесген бычакъ, сёз – атылгъан окъ.
Миллетни бойну – базыкъ, аны бла кюрешген – джазыкъ.
Оюмсуз атлагъан, аджалсыз ёлюр.
Ач уят къоймаз.
Эри аманны, къатыны – аман.
Билим – акъылны чырагъы.
Билмейме деген – бир сёз
Татлы тилде – сёз ариу, чемер къолда – иш ариу.
Джуртун къоругъан озар.
Тили узунну, намысы – къысха.
Тенгни тенглиги джашай барсанг билинир.
Нёгер болсанг, тенг бол, тенг болмасанг, кенг бол.
Биреуге аманлыкъ этиб, кесинге игилик табмазса.
Аз айтсам, кёб ангылагъыз.
Адеби болмагъан къыз – тузсуз хант.
Джаз бир кюнню джатсанг, къыш талай кюнню абынырса.
Байлыкъ адамны сокъур этер.
Иги – алгъыш этер, аман – къаргъыш этер.
Чомартны къолу берекет.
Кесинг сынамагъан затны, адамгъа буюрма.
Суугъа – таянма, джаугъа – ийнанма.
Чомарт къонакъ юй иесин сыйлар.
Окъугъан – асыу, окъумагъан – джарсыу.
Чабакъгъа акъыл, табагъа тюшсе келеди.
Мал ёлсе, сюек къалыр, адам ёлсе, иши къалыр.
Бал ашаргъа сюе эсенг, чибин ургъаннга тёз.
Чомартны къолун джокълукъ байлар.
Тёзген – тёш ашар!
Къонакъ болсанг, ийнакъ бол.
Къозулугъунда тоймагъан, къойлугъунда тоймаз.
Чыбыкълыкъда бюгюлмеген, къазыкълыкъда бюгюлмей эди.
Баланы адам этген анады.
Сескекли кесин билдирир.
Юй кюйдю да, кюйюз чыкъды, ортасындан тюйюш чыкъды.
Этни бети бла шорпасы.
Ата Джуртун танымагъан, атасын да танымаз.
Онгсузну – джакъла, тенгликни – сакъла.
Шайтан алдады, тюзлюк къаргъады.
Тин – байлыгъынг, терен саулугъунг.
Кеси юйюмде мен да ханма.
Къошда джокъгъа – юлюш джокъ.
Уллу къашыкъ эрин джыртар.
Ат басханны джер билед.
Къалгъан ишге къар джауар.
Мал кёб болса, джууукъ кёб болур.
Ач келгенни – тойдур, кеч келгенни – къондур.
Бети бедерден, намыс сакълама.

Логин:
Пароль:
	Запомнить меня на этом компьютере

Забыли свой пароль?
Регистрация