- «Ёгюз, джаргъа джууукъ барма, меннге джюк боллукъса», - дегенди эшек.
- Ауузу аманнга «иги», деме.
- Ариуну – ауруу кёб.
- Тойгъан антын унутур.
- Сибиртки да сыйлы болду, кюрек да кюнлю болду.
- Ашхы – джыяр, аман – джояр.
- Экеу тутушса, биреу джыгъылыр.
- Ана – юйню кюн джарыгъы.
- Насыблы элин сюер, насыбсыз кесин сюер.
- Эр абынмай, эл танымаз.
- Кёб джашагъан – кёб билир.
- Мадар болса, къадар болур.
- Тойчу джашха къарама, къойчу джашха къара.
- Биреуню эскиси биреуге джангы болмайды.
- Ашына кёре табагъы, балына кёре къалагъы.
- Игиге айтсанг – билир, аманнга айтсанг – кюлюр.
- Адеби болмагъан къыз – тузсуз хант.
- Накъырда – кертини келечиси.
- Къайтырыкъ эшигинги, къаты уруб чыкъма.
- Джарлы эскисин джамаса, къууаныр.
- Магъанасыз сёз – тауушсуз сыбызгъы.
- Аман къатын алгъан, арыр, иги къатын алгъан джарыр.
- Кёб къычыргъандан – къоркъма, тынч олтургъандан – къоркъ.
- Джылкъыдан – ат чыгъар, тукъумдан – джаш чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
- Ауузу бла къуш тута айланады.
- Ётюрюк хапар аякъ тюбю бла джюрюйдю.
- Ишге юренсин къоллары, халкъ бла болсун джоллары.
- Къарнынг къанлынга кийирир.
- Джыланны къуйругъундан басарынг келсе, аны башы болгъанын унутма.
- Хар зат кесини орнуна иги.
- Аманнга да, игиге да оноусуз къатышма.
- Сакъ юйюне сау барыр.
- Ашлыкъны арба юйге келтирир, чана базаргъа элтир.
- Бермеген къол, алмайды.
- Адебни адебсизден юрен.
- Сабийликде юретмесенг, уллу болса – тюзелмез.
- Эли джокъну – кёлю джокъ.
- Ёнгкюч къууана барыр, джылай келир.
- Кёкдеги болмаса, джердегин кёрмейди.
- Ач, тоймам, дейди, тойгъан, ач болмам, дейди.
- Тешигини къатында, чычхан да батыр болур.
- Элде адам къалмаса, ит тахтагъа минер.
- Айтылгъан сёз ызына къайтмаз.
- Айныгъанлы алты кюн, тогъайгъанлы тогъуз кюн.
- Ётюрюкню къуйругъу – бир тутум.
- Аман къатын сабий табса, бий болур…
- Рысхы джалгъанды: келген да этер, кетген да этер.
- Къан бла кирген, джан бла чыгъар.
- Байлыкъ тауусулур, билим тауусулмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72