- Ач отунчуну ачыуу – бурнунда.
- Тёзген – тёш ашар!
- Джарашыу сюйген – джалынчакъ.
- Нарт сёз – тилни бети.
- Тёрде – темир таякълы, къаяда – чыпчыкъ аякълы.
- Джиби бир къат джетмей эди да, эки къат тарта эди.
- Мухарны эси – ашарыкъда.
- Кирсизни – саны таза, халалны – къаны таза.
- Ойнаб айтсанг да, эслеб айт.
- Мал кёб болса, джууукъ кёб болур.
- Эри аманны, къатыны – аман.
- Эки ойлашыб, бир сёлешген.
- Ётюрюкчюню шагъаты – къатында.
- Кёзюнде тереги болгъан, чёбю болгъаннга кюле эди.
- Чакъырылмагъан къонакъ – орунсуз.
- Ашхылыкъ джерде джатмайды, аманлыкъ суугъа батмайды.
- Бет бетге къараса, бет да джерге къарар.
- Ата – баланы уясы.
- Ёзденликни джайгъан – джокълукъ.
- Ётюрюкден тюбю джокъ, кёлтюрюрге джиби джокъ.
- Башланнган иш битер, къымылдагъан тиш тюшер.
- Зар адамны насыбы болмаз.
- Джангыз торгъай джырламаз.
- Aдам боллукъ, сыфатындан белгили.
- Кёз – сюйген джерде, къол – ауругъан джерде.
- Эм уллу байлыкъ – джан саулукъ.
- Эшекге миннген – биринчи айыб, андан джыгъылгъан – экинчи айыб.
- Ишленмеген джаш – джюгенсиз ат, ишленмеген къыз – тузсуз хант.
- Ат басханны джер билед.
- Гыдай эчки суугъа къараб, мюйюзле кёрмесе, джашма алкъын, дегенди.
- Этек чакъмакълары баш джаргъан, сёлешген сёзлери таш джаргъан.
- Ашыкъгъан cуу, тенгизге джетмез.
- Бюгюн дуния кибик, тамбла ахыратды.
- Ханы къызы буюгъа-буюгъа киштик болду.
- Къатын къылыкъсыз, эр тынчлыкъсыз.
- Чакъырылмай келген къонакъ сыйланмай кетер.
- Билим къая тешер.
- Элде адам къалмаса, ит тахтагъа минер.
- Къонакъ болсанг, ийнакъ бол.
- Аш берме да, къаш бер.
- Ариу сёзде ауруу джокъ.
- Танг атмайма десе да, кюн къоярыкъ тюйюлдю.
- Бойнуму джети джерден кессенг да, мен ол ишни этеллик тюлме.
- Келгинчи, къонакъ уялыр, келгенден сора, къонакъбай уялыр.
- Къартны бурнун сюрт да, оноугъа тут.
- Аджалсыз ёлюм болмаз.
- Кёкдеги болмаса, джердегин кёрмейди.
- Айран тёгюлсе, джугъусу къалыр.
- Садакъачыны джаны – къапчыгъында.
- Ашатыргъа иш – ашхы, ишлетирге аш – ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72