- Арпа, будай – ащды, алтын, кюмюш а – ташды.
- Тёрдеги кюлсе, эшикдеги ышарыр.
- Айырылгъанланы айю ашар, бёлюннгенлени бёрю ашар.
- Эли джокъну – кёлю джокъ.
- Ким бла джюрюсенг, аны кёзю бла кёрюнюрсе.
- Гитче джилтин уллу элни джандырыр.
- Ёксюзню тилеги къабыл болур.
- Ачлыкъда тары гырджын халыуадан татлы.
- Ишлегенде эринме, ишде чолакъ кёрюнме.
- Тамбла алтындан бюгюн багъыр ашхы.
- Атынг аманнга чыкъгъандан эсе, джанынг тамагъынгдан чыкъсын.
- Чомартны къолу берекет.
- Ана – юйню кюн джарыгъы.
- Биреуню эскиси биреуге джангы болмайды.
- Чакъырылмагъан къонакъ къачан кетерин сормаз.
- Кесинг сынамагъан затны, адамгъа буюрма.
- Джыланны къуйругъундан басарынг келсе, аны башы болгъанын унутма.
- Эски джаугъа ышанма.
- Ашха уста, юйюнде болсун
- Ауругъаннга – кийик саулукъ, джетген къызгъа – чилле джаулукъ.
- Уруну арты – къуру.
- Садакъачыны джаны – къапчыгъында.
- Атлыны ашхысы, ат тизгининден билинир
- Ариу сёзде ауруу джокъ.
- Чакъырылмагъан джерге барма, чакъырылгъан джерден къалма.
- Эри аманны, къатыны – аман.
- Къонагъынгы артмагъын алма да, алгъышын ал.
- Къонакъ аз олтурур, кёб сынар.
- Гугурук къычырмаса да, тангны атары къалмаз.
- Тойгъан антын унутур.
- Тилчи тилден къаныкъмаз.
- Кёбден умут этиб, аздан къуру къалма.
- Кюн кёрмеген, кюн кёрсе, кюндюз чыракъ джандырыр.
- Джырына кёре эжиую.
- Джерни букъусу кёкге къонмаз.
- Уллу атлама – абынырса, уллу къабма – къарылырса.
- Кёбге таш атма.
- Этни да ашады, бетни да ашады.
- Ата Джуртуму башы болмасам да, босагъасында ташы болайым.
- Баргъанынга кёре болур келгенинг.
- Кёбню кёрген – кёб билир.
- Аш хазыр болса, иш харам болур.
- Экеу тутушса, биреу джыгъылыр.
- Сютден ауузу кюйген, суугъа юфгюре эди.
- Чакъырылмай келген къонакъ сыйланмай кетер.
- Насыб бютеу халкъны юлюшюдю.
- Иги адам абынса да, джангылмаз.
- Байдан умут эте, джарлыдан ёгюз багъасы къорады.
- Кёлсюзден сёзсюз тууар.
- Ашда – бёрю, ишде – ёлю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72