- Къарын къуру болса, джюрек уру болур.
- Къыз келсе, джумуш эте келеди, къатын келсе, ушакъ эте келеди.
- Къартха ушагъан джаш – акъыллы, джашха ушагъан къарт – тели.
- Къайтырыкъ эшигинги, къаты уруб чыкъма.
- Къар – келтирди, суу – элтди.
- Рысхы – насыбха къор.
- Айтылгъан буйрукъ, сёгюлмез
- Уруну арты – къуру.
- Тёрде – темир таякълы, къаяда – чыпчыкъ аякълы.
- Чыбыкълыкъда бюгюлмеген, къазыкълыкъда бюгюлмей эди.
- Ач – эснер, ат – кишнер.
- Терслик кетер, тюзлюк джетер.
- Къаллай салам берсенг, аллай джууаб алырса.
- Иги – алгъыш этер, аман – къаргъыш этер.
- Келинни – келгинчи, бёркню кийгинчи кёр.
- Ишин билген, аны сыйын чыгъарады.
- Тёзген – тёш ашар!
- Юй кюйдю да, кюйюз чыкъды, ортасындан тюйюш чыкъды.
- Дуния мал дунияда къалады.
- Агъач – джерни чырайы, кийим – эрни чырайы.
- Ётген ёмюр – акъгъан суу.
- Джюрекден джюрекге джол барды.
- Телиге акъыл салгъандан эсе, ёлгеннге джан салырса.
- Чомарт къонакъ юй иесин сыйлар.
- Насыблы элин сюер, насыбсыз кесин сюер.
- Aдам боллукъ, сыфатындан белгили.
- Игилик игилик бла сингдирилиучю затды.
- Шайтан алдады, тюзлюк къаргъады.
- Акъыл бла адеб эгизледиле.
- Тил – миллетни джаны.
- Ариу джол аджал келтирмез.
- Кёбден умут этиб, аздан къуру къалма.
- Ишленмеклик адамлыкъды.
- Чакъырылмагъан къонакъ – орунсуз.
- Этни бети бла шорпасы.
- Ашатыргъа иш – ашхы, ишлетирге аш – ашхы.
- Байлыкъ тауусулур, билим тауусулмаз.
- Джашынгы кесинг юретмесенг, джашау юретир.
- Аманнга да, игиге да оноусуз къатышма.
- Окъуусуз билим – джокъ, билимсиз кюнюнг – джокъ.
- Телиге от эт десенг, юйюнге от салыр.
- Кёзню ачылгъаны – иги, ауузну джабылгъаны – иги.
- Тилсиз миллет джокъ болур.
- Алгъанда – джууукъ, бергенде – джау.
- Гугук кесини атын айтыб къычыргъанча, мен, мен деб нек тураса?
- Нёгер болсанг, тенг бол, тенг болмасанг, кенг бол.
- Ауругъан – джашаудан умутчу.
- Аз сёлешген, къайгъысыз турур.
- Къарны аманнга къазан такъдырма, къолу аманнга от джакъдырма.
- Кёб джат да, бек чаб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72