- Чакъырылгъанны аты, чакъырылмагъанны багъасы болур.
- Къонагъынгы артмагъын алма да, алгъышын ал.
- Кёб джашагъан – кёб билир.
- Ариу сёз джыланны орнундан чыгъарыр.
- Къартха ушагъан джаш – акъыллы, джашха ушагъан къарт – тели.
- Нарт сёз къарт болмаз.
- Къоркъакъны кёзю экили кёрюр.
- Aдам боллукъ, сыфатындан белгили.
- Таугъа чыгъаллыкъ эсенг, тюзде къалма.
- Арба аугъандан сора, джол кёргюзтюучю кёб болур.
- Джети тилни билген джети кишиди.
- Оюмсуз атлагъан, аджалсыз ёлюр.
- Айтылгъан сёз ызына къайтмаз.
- Мухарны эси – ашарыкъда.
- Чомарт бергенин айтмаз.
- Кечеси – аяз, кюню – къыш, джарлы къаргъагъа бир аш тюш!
- Сангырау къулакъ эл бузар.
- Тилчиден кери бол.
- Тюзню ётмеги тюзде къалса да, тас болмаз.
- Ёпкелегенни ашы татлы болады.
- Байлыкъдан саулукъ ашхыды.
- Игилик игилик бла сингдирилиучю затды.
- Уллу къазанда бишген эт, чий къалмаз.
- Акъыл бла адеб эгизледиле.
- Кёлсюзден сёзсюз тууар.
- Къошда джокъгъа – юлюш джокъ.
- Бир онгсуз адам адет чыгъарды, деб эштирик тюлсе.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан къонакъ тёрге атламаз.
- Джолда аягъынга сакъ бол, ушакъда тилинге сакъ бол.
- Ариуну – ауруу кёб.
- Тёрдеги кюлсе, эшикдеги ышарыр.
- Айран тёгюлсе, джугъусу къалыр.
- Джашынгы кесинг юретмесенг, джашау юретир.
- Ойнай билмеген, уруб къачар.
- «Ма», - дегенни билмесенг, «бер», - дегенни билмезсе.
- Къартны бурнун сюрт да, оноугъа тут.
- Намыс болмагъан джерде, насыб болмаз.
- Ургъан суудан башынгы сакъла.
- Аджашханны ызындагъы кёреди, джангылгъанны джанындагъы биледи.
- Акъыл аздырмаз, билим тоздурмаз.
- Кюлме джашха – келир башха.
- Къызны минг тилер, бир алыр.
- Кёбге таш атма.
- Шекер бла туз – бир болмаз, ушамагъан – юй болмаз.
- Эте билген, этген этеди, эте билмеген, юретген этеди!
- Адам сёзюнден белгили.
- Олтуруб кёрюнмей эди да, ёрге туруб кёрюне эди.
- Хата – гитчеден.
- Къазанны башы ачыкъ болса, итге уят керекди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72