- Ишлегенде эринме, ишде чолакъ кёрюнме.
- Джарлы джети элни сёзюн этер.
- Джырчы ёлсе, джыры къалыр.
- Бозаны арты дауур болур.
- Таукел къуру къалмаз.
- Ашын ашагъанынгы, башын да сыйла.
- Къарыусузгъа кюлме, онгсузгъа тийме.
- Юй кюйдю да, кюйюз чыкъды, ортасындан тюйюш чыкъды.
- Аман хансны – урлугъу кёб.
- Джашда акъыл джокъ, къартда къарыу джокъ.
- Мени джылытмагъан кюн, меннге тиймесин!
- Тойчу джашха къарама, къойчу джашха къара.
- Биреуге кёлтюрген таягъынг, кесинги башынга урур.
- Окъугъанны бети джарыкъ.
- Шапа кёб болса, аш татымсыз болур.
- Ашатыргъа иш – ашхы, ишлетирге аш – ашхы.
- Тау башында, тау болмаз, джангыз терек, бау болмаз.
- Бюгюн дуния кибик, тамбла ахыратды.
- Итли къонакъ джарашмаз.
- Джуртун къоругъан озар.
- Чомартха хар кюн да байрамды.
- Айран тёгюлсе, джугъусу къалыр.
- Адам сёзге тынгыла, акъыл сёзню ангыла.
- Эшекни не къадар тюйсенг да, ат болмаз.
- Тура эдим джата, къайдан чыкъды хата?
- Кюн кёрмеген, кюн кёрсе, кюндюз чыракъ джандырыр.
- Къобан да къуру да къобханлай турмайды, адам да къуру да патчахлай турмайды.
- Хар адамгъа кеси миннген тау кибик.
- Сангырау къулакъ эл бузар.
- Арбаз сайлама да, хоншу сайла.
- Тели турса – той бузар.
- Эринчекни аурууу – кёб.
- Эки элинги тыйсанг, джети элде махталырса.
- Ачыкъ джюрекге джол – ачыкъ.
- Алма терегинден кери кетмез.
- Ашына кёре табагъы, балына кёре къалагъы.
- Чалманны аллы къалай башланса, арты да алай барады.
- Адеб базарда сатылмаз.
- Адеби болмагъан къыз – тузсуз хант.
- Байлыкъдан саулукъ ашхыды.
- Къыз келсе, джумуш эте келеди, къатын келсе, ушакъ эте келеди.
- Джюрек кёзден алгъа кёрюр.
- Тёрде – темир таякълы, къаяда – чыпчыкъ аякълы.
- Ауузу аманнга «иги», деме.
- Тил бла келеди джыр да.
- Тил – кесген бычакъ, сёз – атылгъан окъ.
- Бир онгсуз адам адет чыгъарды, деб эштирик тюлсе.
- Эски джаугъа ышанма.
- Адам къыйынлыгъын кёлтюрюр, зауукълугъун кёлтюрмез.
- Биреуге аманлыкъны тилеме да, кесинге ашхылыкъны тиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72