- Къонагъы джокъну – шоху джокъ.
- Ат басханны джер билед.
- Сакъламагъан затынга джолукъсанг, не бек къууанаса, не бек ачыйса.
- Сакъ юйюне сау барыр.
- Ишлерге уял да, ашаргъа табма.
- Ачыу алгъа келсе, акъыл артха къалады.
- Къуллукъчума, деб махтанма, къуллукъ – хаух джамчыды!
- Ариу сёз аурууунгу алыр.
- Уллу къашыкъ эрин джыртар.
- Юйлю уругъа ит чабмаз.
- Тилде сюек болмаса да, сюек сындырыр.
- Мал тутхан – май джалар.
- Билмейме деген – бир сёз
- Алтыннга тот къонмаз.
- Ата Джуртча джер болмаз, туугъан элча эл болмаз.
- Айтхан сёзюне табылгъан.
- Эринчекни аурууу – кёб.
- Тай асырагъан, атха минер.
- Тил – кесген бычакъ, сёз – атылгъан окъ.
- Тёзгеннге, джабылгъан эшик ачылыр.
- Рысхы – насыбха къор.
- Сёз – кюмюш, джыр – алтын.
- Эр абынмай, эл танымаз.
- Ауузу бла къуш тута айланады.
- Урама да – ёледи, сатама да – келеди.
- Азыгъы аз, алгъа къабар, аты аман, алгъа чабар.
- Адеб базарда сатылмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Сёлеш деб шай берген, тохта деб, сом берген.
- Аджалсыз ёлюм болмаз.
- Тюзлюк тас болмайды.
- Билимсиз иш бармаз.
- Ишлегенден, къарагъан уста.
- Нарт сёз – тилни бети.
- Насыблы элин сюер, насыбсыз кесин сюер.
- Кесинге джетмегенни, кёб сёлешме.
- Адам къыйынлыгъын кёлтюрюр, зауукълугъун кёлтюрмез.
- Ачлыкъ отха секиртир.
- Ауругъаннга – кийик саулукъ, джетген къызгъа – чилле джаулукъ.
- Баланы адам этген анады.
- Байлыкъ адамны сокъур этер.
- Кечеси – аяз, кюню – къыш, джарлы къаргъагъа бир аш тюш!
- Адебсиз адам – джюгенсиз ат.
- Хар сёзню орну барды.
- Къанны къан бла джуума, аманны аман бла къуума.
- Азыкълы ат арымаз, къатыны аман джарымаз.
- Къонакъ хазыр болгъанлыкъгъа, къонакъбай хазыр тюлдю.
- Хатерли къул болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкню къуйругъу – бир тутум.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72