- Аурууну келиую тынч, кетиую – къыйын.
- Бал чибинни ургъаны – ачы, балы – татлы.
- Биреуге аманлыкъ этиб, кесинге игилик табмазса.
- Болджал ишни бёрю ашар.
- Ёлген ийнек сютлю болур.
- Алма терегинден кери кетмез.
- Кюлме джашха – келир башха.
- Ашда уялгъан – мухар, ишде уялгъан – хомух.
- Уруну арты – къуру.
- Тойну къарнашы – харс, джырны къарнашы – эжиу.
- Къозулугъунда тоймагъан, къойлугъунда тоймаз.
- Кёб ант этген, кёб ётюрюк айтыр.
- Джол бла сёзню къыйыры джокъ.
- Айыбны суу бла джууалмазса.
- Тойгъа барсанг, тоюб бар, эски тонунгу къоюб бар.
- Адамны бетине къарама, адетине къара.
- Ышармагъан – кюлмез, кюлмеген – къууанчны билмез.
- Билимсиз иш бармаз.
- Къызбайны юйюне дери сюрсенг, батыр болур.
- Эл тойса, тоймагъан, эл къойса, къоймагъан.
- Терслик кетер, тюзлюк джетер.
- Тюкюрюк баш джармаз, налат кёз чыгъармаз!
- Танг атмайма десе да, кюн къоярыкъ тюйюлдю.
- От этилмеген джерден тютюн чыкъмайды.
- Билим – акъылны чырагъы.
- Эски джаугъа ышанма.
- Намысы джокъну – дуниясы джокъ.
- Аман адам этегингден тутса, кес да къач.
- Къралынгы – душмандан, башынгы от бла суудан сакъла.
- Къан бла кирген, джан бла чыгъар.
- Бозанг болмагъан джерге, къалагъынгы сукъма.
- Джаш къарыу бла кючлю, къарт акъыл бла кючлю.
- Ач къарным, тынч къулагъым.
- Ата Джуртуму башы болмасам да, босагъасында ташы болайым.
- Аш кетер да бет къалыр.
- Тёзген – тёш ашар!
- Хунаны тюбюн къазсанг, юсюнге ауар.
- Эринчекге кюн узун.
- Алтыда кюлмеген, алтмышда кюлмез.
- Къарны аманнга къазан такъдырма, къолу аманнга от джакъдырма.
- Байлыкъ адамны сокъур этер.
- Ауругъан – джашаудан умутчу.
- Таш бла ургъанны, аш бла ур.
- Бойнуму джети джерден кессенг да, мен ол ишни этеллик тюлме.
- Кесинг сынамагъан затны, адамгъа буюрма.
- Айтхан – тынч, этген – къыйын.
- Иги джашны ышаны – аз сёлешиб, кёб тынгылар.
- Тойгъа алгъа да барма, тойда артха да къалма.
- Джуртун къоругъан озар.
- Ишлемеген – тишлемез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72