- Ишин билген, аны сыйын чыгъарады.
- Аш берме да, къаш бер.
- Байма, деб да, къууанма, джарлыма, деб да, джылама.
- Аман адам этегингден тутса, кес да къач.
- Къарны аманнга къазан такъдырма, къолу аманнга от джакъдырма.
- Аш хазыр болса, иш харам болур.
- Тил джюрекге джол ишлейди.
- Азыкъ аз болса, эртде орун сал.
- Кёл – къызбай, къол – батыр.
- Джарашыу сюйген – джалынчакъ.
- Ишлегенден, къарагъан уста.
- Ышармагъан – кюлмез, кюлмеген – къууанчны билмез.
- Акъылсызны джууукъгъа алма, акъыллыны кенгнге салма.
- Суу ичген шауданынга тюкюрме.
- Тёрде – темир таякълы, къаяда – чыпчыкъ аякълы.
- Душманны тышы – акъ, ичи – къара.
- Акъдан къара болмаз.
- Ачыу алгъа келсе, акъыл артха къалады.
- Сютден ауузу кюйген, суугъа юфгюре эди.
- Къобан да къуру да къобханлай турмайды, адам да къуру да патчахлай турмайды.
- Таякъ этден ётер, тил сюекден ётер.
- Булут кёкге джарашыу, уят бетге джарашыу.
- От кюйдюрген, сау болса да, тот кюйдюрген, сау болмаз.
- Акъыллы айтыр эди, акъылсыз къоймайды.
- Бир абыннган – минг сюрюнюр.
- Тойгъан антын унутур.
- Онгсузну – джакъла, тенгликни – сакъла.
- Келинин тута билмеген, къул этер, къызын тута билмеген, тул этер.
- Байдан умут эте, джарлыдан ёгюз багъасы къорады.
- Баланы адам этген анады.
- Халкъны джырын джырласанг, халкъ санга эжиу этер.
- Ат басханны джер билед.
- Тилчи бир сагъатха айлыкъ хата этер.
- Ашхылыкъ джерде джатмайды, аманлыкъ суугъа батмайды.
- Кёбге таш атма.
- Эр абынмай, эл танымаз.
- Джырчы ёлсе, джыры къалыр.
- Сабыр джетер муратха, сабырсыз къалыр уятха.
- Къарнынг тойгъунчу аша да, белинг талгъынчы ишле.
- Ач къалгъандан, кеч къалгъан къолай.
- Тура эдим джата, къайдан чыкъды хата?
- Акъыл бла адеб эгизледиле.
- Адам къаллай бир ишленмесе, аллай бир кесин уллу кёреди.
- Хар зат кесини орнуна иги.
- Джашынгы кесинг юретмесенг, джашау юретир.
- Джеринден айырылгъан – джети джылар, джуртундан айырылгъан – ёлгюнчю джылар.
- Бетинги сатма, малынгы сат.
- Адам туугъан джеринде, ит тойгъан джеринде.
- Сёз сёзню айтдырыр.
- Рысхы джалгъанды: келген да этер, кетген да этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72