- Бети къызарыучу адамны, джюреги харам болмаз.
- Чакъырылмагъан къонакъ тёрге атламаз.
- Ауурну тюбю бла, дженгилни башы бла джюрюген.
- Айраннга суу къош, телиге джол бош.
- Ишге юренсин къоллары, халкъ бла болсун джоллары.
- Акъыллы айтыр эди, акъылсыз къоймайды.
- Бал чибинни ургъаны – ачы, балы – татлы.
- Тюзлюк тас болмайды.
- Дуния малгъа сатылма, кесингден телиге къатылма.
- Малны кют, джерни тюрт.
- Къолу уллу – асыу, аягъы уллу – джарсыу.
- Кёпюр салгъан кеси ётер, уру къазгъан кеси кетер.
- Айтхан сёзюне табылгъан.
- Джюрек кёзден алгъа кёрюр.
- Халкъгъа джарагъан, джарлы къалмаз.
- Олтуруб кёрюнмей эди да, ёрге туруб кёрюне эди.
- Ата Джуртуму башы болмасам да, босагъасында ташы болайым.
- Бюгюн дуния кибик, тамбла ахыратды.
- Аджалсыз ёлюм болмаз.
- Ашхылыкъ джерде джатмайды, аманлыкъ суугъа батмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Зар адам ашынгы ашар, кесинги сатар.
- Биреуге аманлыкъны тилеме да, кесинге ашхылыкъны тиле.
- Эшекге миннген – биринчи айыб, андан джыгъылгъан – экинчи айыб.
- Абынмазлыкъ аякъ джокъ, джангылмазлыкъ джаякъ джокъ.
- Ашхы тенг джолгъа салыр, аман тенг джолдан тайдырыр.
- Хантына кёре тузу, юйюне кёре къызы.
- Экеулен сёлеше тура эселе, орталарына барыб кирме.
- Айныгъанлы алты кюн, тогъайгъанлы тогъуз кюн.
- Къыз келсе, джумуш эте келеди, къатын келсе, ушакъ эте келеди.
- Бети – къучакълар, джюреги – бычакълар.
- Эли джокъну – кёлю джокъ.
- Хар адамгъа кеси миннген тау кибик.
- Джыланны къуйругъундан басарынг келсе, аны башы болгъанын унутма.
- Ашыкъгъан cуу, тенгизге джетмез.
- Келинни – келгинчи, бёркню кийгинчи кёр.
- Эки ойлашыб, бир сёлешген.
- Джырына кёре эжиую.
- Джашлыкъ этмеген, башлыкъ этмез.
- Ёзденликни джайгъан – джокълукъ.
- Тойгъа барсанг, тоюб бар, эски тонунгу къоюб бар.
- Ашхы атаны – джашы ашхы, ашхы ананы – къызы ашхы.
- Насыб бютеу халкъны юлюшюдю.
- Орундукъ тюбюнде атылсам да, орта джиликме, де да айлан.
- Иши джокъну, сыйы джокъ.
- Джаз бир кюнню джатсанг, къыш талай кюнню абынырса.
- Ашарыкъда сайлагъаннга – чий гырджын.
- Кийимни бир кюнню аясанг, минг кюннге джарар.
- Ариу сёз аурууунгу алыр.
- Асхат ашлыкъ сата, юйдегиси ачдан къата.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72