Эльбрусоид :: Форум :: Архив форумов

Джан саулукъ бермей, сан саулукъ бермезсе.
Адеб этмеген, адеб кёрмез.
Аз сёлешген, къайгъысыз турур.
Тили узунну, намысы – къысха.
Келинин тута билмеген, къул этер, къызын тута билмеген, тул этер.
Атынг аманнга чыкъгъандан эсе, джанынг тамагъынгдан чыкъсын.
Кюн – узун, ёмюр – къысха.
Ишлерге уял да, ашаргъа табма.
Эски джаугъа ышанма.
Ишлегенден, къарагъан уста.
Эки къатын алгъан – эки ташны ортасына башын салгъан.
Эри аманны, къатыны – аман.
Ач уят къоймаз.
Намысы болмагъанны, сыйы болмаз.
Суу ичген шауданынга тюкюрме.
Таугъа чыгъаллыкъ эсенг, тюзде къалма.
Билеги кючлю, бирни джыгъар, билими кючлю, мингни джыгъар.
Къуллукъчума, деб махтанма, къуллукъ – хаух джамчыды!
Керилген да, ургъан кибикди.
Аман эсирсе, юйюн ояр.
Чомарт бергенин айтмаз.
Иги адам абынса да, джангылмаз.
Эртде тургъан джылкъычыны эркек аты тай табар.
Аман адам этегингден тутса, кес да къач.
Билмезни кёзю кёрмез, этмезни къулагъы эшитмез.
Джуртун къоругъан озар.
Артына баргъанны, къатына барма.
Кёз – сюйген джерде, къол – ауругъан джерде.
Джарашыу сюйген – джалынчакъ.
Кёбден умут этиб, аздан къуру къалма.
Ата Джуртча джер болмаз, туугъан элча эл болмаз.
Айырылгъанланы айю ашар, бёлюннгенлени бёрю ашар.
Дууулдаса – бал чибин, къонса – къара чибин.
Ариу сёз – къылычдан джити.
Аман къатын алгъан, арыр, иги къатын алгъан джарыр.
Къарнынг къанлынга кийирир.
Аууз сакълагъан – джан сакълар.
Сакъламагъан затынга джолукъсанг, не бек къууанаса, не бек ачыйса.
Кеси юйюмде мен да ханма.
Таукел адам тау тешер.
Тюкюрюк баш джармаз, налат кёз чыгъармаз!
Тойгъан джерден туугъан джер игиди.
Уллу сёлешме да, уллу къаб.
Ачлыкъда тары гырджын халыуадан татлы.
Бёрю да ач къалмасын, эчки да ашалмасын.
Айтылгъан буйрукъ, сёгюлмез
Ёлюр джаннга, ёкюл джокъ.
Уллу къазанда бишген эт, чий къалмаз.
Тура эдим джата, къайдан чыкъды хата?
Ариу сёзде ауруу джокъ.

Логин:
Пароль:
	Запомнить меня на этом компьютере

Забыли свой пароль?
Регистрация