Эльбрусоид :: Форум :: Архив форумов

Насыб бютеу халкъны юлюшюдю.
Къатын байлыкъны сюер, эр саулукъну сюер.
Тойгъандан сора, ашны сёкме.
Болджал ишни бёрю ашар.
Берекет берсин деген джерде, берекет болур.
Артына баргъанны, къатына барма.
Акъыллы – эл иеси, тели – эл баласы.
Таш бла ургъанны, аш бла ур.
Тёрени джагъы джокъ.
Джумушакъ сёз къаты таякъны сындырыр.
Окъуу – билимни ачхычы, окъуу – дунияны бачхычы.
Билимсиз иш бармаз.
Аджаллыгъа окъсуз шкок атылыр.
Джюрек кёзден алгъа кёрюр.
Тамырсыз терекге таянма – джыгъылырса.
Кирсизни – саны таза, халалны – къаны таза.
Къазанчы аман болса, къазаны къайнамаз.
Гырджын – тепсини тамадасы.
Намыс болмагъан джерде, насыб болмаз.
Кийимни бир кюнню аясанг, минг кюннге джарар.
Аш кетер да бет къалыр.
Чакъырылмагъан джерге барма, чакъырылгъан джерден къалма.
Ашлыкъны арба юйге келтирир, чана базаргъа элтир.
Кёбню кёрген – кёб билир.
Ичимден чыкъды хата, къайры барайым сата?
Джарлыны эшигин махтагъан джабар.
Элде адам къалмаса, ит тахтагъа минер.
Азыкълы ат арымаз, къатыны аман джарымаз.
Мен да «сен», дейме, сен да «кесим», дейсе.
Тилчи тилден къаныкъмаз.
Таукел адам тау тешер.
Къарыусузгъа кюлме, онгсузгъа тийме.
Ариу сёз джыланны орнундан чыгъарыр.
Кеси юйюмде мен да ханма.
Байлыкъ келсе, акъыл кетер.
Онгсузну – джакъла, тенгликни – сакъла.
Ишин билген, аны сыйын чыгъарады.
Айныгъанлы алты кюн, тогъайгъанлы тогъуз кюн.
Къызын тута билмеген, тул этер, джашын тута билмеген, къул этер.
Ёзденликни кёбю ётюрюк.
Аманны тукъумуна къарама, игини тукъумун сорма.
Окъугъан – асыу, окъумагъан – джарсыу.
Ана къойну – балагъа джандет.
Окъуусуз билим – джокъ, билимсиз кюнюнг – джокъ.
Чёбню кёлтюрсенг, тюбюнден сёз чыгъар.
Тенгинг джокъ эсе – изле, бар эсе – сакъла!
Иги адам абынса да, джангылмаз.
Мал ёлсе, сюек къалыр, адам ёлсе, иши къалыр.
Ат да турмайды бир териде.
Накъырданы арты керти болур.

Логин:
Пароль:
	Запомнить меня на этом компьютере

Забыли свой пароль?
Регистрация