- Ашхы – джыяр, аман – джояр.
- Кийим тукъум сордурур.
- Сангырау къулакъ эл бузар.
- Ач, тоймам, дейди, тойгъан, ач болмам, дейди.
- Хантына кёре тузу, юйюне кёре къызы.
- Аурууну келиую тынч, кетиую – къыйын.
- Ата – баланы уясы.
- Этек чакъмакълары баш джаргъан, сёлешген сёзлери таш джаргъан.
- Тешигини къатында, чычхан да батыр болур.
- Эл элде бирер малынг болгъандан эсе, бирер тенгинг болсун.
- Ариу сёз аурууунгу алыр.
- Ёлюк кебинсиз къалмаз.
- Таукел адам тау тешер.
- Ач – эснер, ат – кишнер.
- Кесинге джетмегенни, кёб сёлешме.
- Олтуруб кёрюнмей эди да, ёрге туруб кёрюне эди.
- Чабакъсыз кёлге къармакъ салгъанлыкъгъа, чабакъ тутмазса.
- Иесиз малны бёрю ашар.
- Гугук кесини атын айтыб къычыргъанча, мен, мен деб нек тураса?
- Ашарыкъда сайлагъаннга – чий гырджын.
- Нёгер болсанг, тенг бол, тенг болмасанг, кенг бол.
- Тенги кёбню джау алмаз, акъылы кёбню дау алмаз.
- Тойгъандан сора, ашны сёкме.
- Къумурсхала джыйылсала, пилни да джыгъадыла.
- Аджашханны ызындагъы кёреди, джангылгъанны джанындагъы биледи.
- Ашда уялгъан – мухар, ишде уялгъан – хомух.
- Тау башында, тау болмаз, джангыз терек, бау болмаз.
- Къонагъы джокъну – шоху джокъ.
- Экеу тутушса, биреу джыгъылыр.
- Таукел тауну аудурур.
- Окъугъанны бети джарыкъ.
- Бети – къучакълар, джюреги – бычакълар.
- Аш кетер да бет къалыр.
- Уруну арты – къуру.
- Джаным-тиним – окъуу, билим.
- Биреу къой излей, биреу той излей.
- Адамны джюреги нени кёрюрге сюйсе, кёзю да аны кёрюрге ёч болады.
- Бир абыннган – минг сюрюнюр.
- Ана къойну – балагъа джандет.
- Уясында не кёрсе, учханында аны этер.
- Джарашыу сюйген – джалынчакъ.
- Къонакъ аман болса, къонакъбай джунчур
- Юреннген ауруу къалмаз.
- Акъыл аздырмаз, билим тоздурмаз.
- Эки къатын алгъанны къулагъы тынгнгаймаз.
- Тойгъан джерге джети къайт.
- Алгъанда – джууукъ, бергенде – джау.
- Тилчи тилден къаныкъмаз.
- Ётюрюкчюню шагъаты – къатында.
- Ашатыргъа иш – ашхы, ишлетирге аш – ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72