- Джетген къыз джерли эшекни танымаз.
- Кёл ашады да, кеси ашады.
- Керилген да, ургъан кибикди.
- Эте билген, этген этеди, эте билмеген, юретген этеди!
- Кийимни бир кюнню аясанг, минг кюннге джарар.
- Тойгъандан сора, ашны сёкме.
- Иесиз малны бёрю ашар.
- Аман хансны – урлугъу кёб.
- Джуртун къоругъан озар.
- Тулпарлыкъ, билекден тюл – джюрекден.
- Чакъырылмагъан къонакъ тёрге атламаз.
- Кёб джашагъан – кёб билир.
- Джашны джигитлиги сорулур, къызны джигерлиги сорулур.
- Рысхы джалгъанды: келген да этер, кетген да этер.
- Ачлыкъ отха секиртир.
- Тенги кёбню джау алмаз, акъылы кёбню дау алмаз.
- Джангыз торгъай джырламаз.
- Кёз – сюйген джерде, къол – ауругъан джерде.
- Ишленмеклик адамлыкъды.
- Къарт бла баш аша, джаш бла аякъ аша.
- Урунуу – насыбны анасы.
- Халкъны юйю – туугъан джери.
- Тенгни тенглиги джашай барсанг билинир.
- Тин – байлыгъынг, терен саулугъунг.
- Бозанг болмагъан джерге, къалагъынгы сукъма.
- Къызын тута билмеген, тул этер, джашын тута билмеген, къул этер.
- Джарлыны эшигин махтагъан джабар.
- Ач келгенни – тойдур, кеч келгенни – къондур.
- Иги сёз – джаннга азыкъ, аман сёз башха – къазыкъ.
- Арбаз сайлама да, хоншу сайла.
- Кимни – тили, тиши онглу, кимни – къолу, иши онглу.
- Кюн – узун, ёмюр – къысха.
- Аз сёлешген, къайгъысыз турур.
- Эки ойлашыб, бир сёлешген.
- Ана кёлю – балада, бала кёлю – талада.
- Танг атмайма десе да, кюн къоярыкъ тюйюлдю.
- Баргъанынга кёре болур келгенинг.
- Джан саулукъ бермей, сан саулукъ бермезсе.
- Къонагъы джокъну – шоху джокъ.
- Аууздан келген, къолдан келсе, ким да патчах болур эди.
- Тилчи бир сагъатха айлыкъ хата этер.
- Орну джокъну – сыйы джокъ.
- Ариу – кёзге, акъыл – джюрекге.
- Окъдан джара эртде-кеч болса да бителир, сёз джара, ёмюрге къалыр.
- Сютню башын джалагъан къутулур, тюбюн ичген тутулур.
- Нёгерсизни джолу узун.
- Ашхы болсанг, атынг чыгъар, аман болсанг, джанынг чыгъар.
- Огъурлуну сёзю – суу, огъурсузну сёзю – уу.
- Джырына кёре эжиую.
- Ат да турмайды бир териде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72