- Эм уллу байлыкъ – джан саулукъ.
- Халкъгъа джарагъан, джарлы къалмаз.
- Башы ишлегенни, ауузу да ишлер.
- Ачлыкъда тары гырджын халыуадан татлы.
- Кийимни бир кюнню аясанг, минг кюннге джарар.
- Тас болгъан бычакъны сабы – алтын.
- Ишлегенден, къарагъан уста.
- Элде адам къалмаса, ит тахтагъа минер.
- Къолу уллу – асыу, аягъы уллу – джарсыу.
- Джарлы эскисин джамаса, къууаныр.
- Иги джашны ышаны – аз сёлешиб, кёб тынгылар.
- Ишин билген, аны сыйын чыгъарады.
- Телиге от эт десенг, юйюнге от салыр.
- Биреуге аманлыкъны тилеме да, кесинге ашхылыкъны тиле.
- Адам къаллай бир ишленмесе, аллай бир кесин уллу кёреди.
- Кесинге джетмегенни, кёб сёлешме.
- Эртде тургъан бла эртде юйленнген сокъуранмаз.
- Бойнуму джети джерден кессенг да, мен ол ишни этеллик тюлме.
- «Ёгюз, джаргъа джууукъ барма, меннге джюк боллукъса», - дегенди эшек.
- Нёгер болсанг, тенг бол, тенг болмасанг, кенг бол.
- Тилде сюек болмаса да, сюек сындырыр.
- Сёз сёзню айтдырыр.
- Кёл ашады да, кеси ашады.
- Чабакъсыз кёлге къармакъ салгъанлыкъгъа, чабакъ тутмазса.
- Билмегенинги, билгеннге сор.
- Тюзлюк тас болмайды.
- Шайтан алдады, тюзлюк къаргъады.
- Ётген ёмюр – акъгъан суу.
- Джаз бир кюнню джатсанг, къыш талай кюнню абынырса.
- Гугурук къычырмаса да, тангны атары къалмаз.
- Джогъун бар этген, барын бал этген.
- Аман эсирсе, юйюн ояр.
- Джарлы джети элни сёзюн этер.
- Хансыз джомакъ болмаз.
- Чалманны аллы къалай башланса, арты да алай барады.
- Ишленмеген джаш – джюгенсиз ат, ишленмеген къыз – тузсуз хант.
- Къошда джокъгъа – юлюш джокъ.
- Къатыны харакетли болса, эри къымсыз болур.
- Ат басханны джер билед.
- Уруну арты – къуру.
- Къарт бла баш аша, джаш бла аякъ аша.
- Кирсизни – саны таза, халалны – къаны таза.
- Чомартны къолу берекет.
- Сакъ юйюне сау барыр.
- Ашха уста, юйюнде болсун
- Бир абыннган – минг сюрюнюр.
- Иги адам абынса да, джангылмаз.
- Булут кёкге джарашыу, уят бетге джарашыу.
- Бозанг болмагъан джерге, къалагъынгы сукъма.
- Иги болса, тамадама – махтау, аман болса, меннге – айыб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72