- Ётюрюкчюню шагъаты – къатында.
- Таукел адам тау тешер.
- Бёрю да ач къалмасын, эчки да ашалмасын.
- Аш хазыр болса, иш харам болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тюз сёз баргъан сууну тыяр.
- Эки элинги тыйсанг, джети элде махталырса.
- Махтаннган къыз, тойда джукълар.
- Ач, тоймам, дейди, тойгъан, ач болмам, дейди.
- Тюзлюк шохлукъну бегитир.
- Кесине гебен этелмеген, биреуге черен эте эди.
- Джаш къарыу бла кючлю, къарт акъыл бла кючлю.
- Душманны тышы – акъ, ичи – къара.
- Къартны сыйын кёрмеген, къартлыгъында сыйлы болмаз.
- Къатыны харакетли болса, эри къымсыз болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Шайтан алдады, тюзлюк къаргъады.
- Юйюнг бла джау болгъандан эсе, элинг бла джау бол.
- Тенгинг джокъ эсе – изле, бар эсе – сакъла!
- Элде адам къалмаса, ит тахтагъа минер.
- Орну джокъну – сыйы джокъ.
- Элге къуллукъ этмеген, элге ие болмаз.
- Ачны эсинде – аш.
- Ана – юйню кюн джарыгъы.
- Халкъгъа джарагъан, джарлы къалмаз.
- Къарыусузгъа кюлме, онгсузгъа тийме.
- Арбаз къынгырды да, ийнек сауалмайма.
- Хар адамгъа кеси миннген тау кибик.
- Ауругъанны сау билмез, ач къарынны токъ билмез.
- Булут кёкге джарашыу, уят бетге джарашыу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ётюрюкню башын керти кесер.
- Намыс сатылыб алынмайды.
- Аз сёлеш, кёб ишле.
- Юй ишлеген балта эшикде къалыр.
- Хаухну атма, ёнгкючню сатма.
- Сютден ауузу кюйген, суугъа юфгюре эди.
- Къартны бурнун сюрт да, оноугъа тут.
- Аллахдан тилесенг, кёб тиле.
- Хантына кёре тузу, юйюне кёре къызы.
- Къолу уллу – асыу, аягъы уллу – джарсыу.
- От кюйдюрген, сау болса да, тот кюйдюрген, сау болмаз.
- Кёкдеги болмаса, джердегин кёрмейди.
- Эли джокъну – кёлю джокъ.
- Ариу сёз – къылычдан джити.
- Байлыкъдан саулукъ ашхыды.
- Чыкълы кюнде чыкъмагъан, чыкъса къуру кирмеген.
- Кёл – къызбай, къол – батыр.
- Ёзденликни кёбю ётюрюк.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72