- Билмегенинги, билгеннге сор.
- Кёзю сокъурдан – къоркъма, кёлю сокъурдан – къоркъ.
- Къолунгдан къуймакъ ашатсанг да, атаны борчундан къутулмазса.
- Ётюрюк хапар аякъ тюбю бла джюрюйдю.
- Ёлген ийнек сютлю болур.
- Эли джокъну – кёлю джокъ.
- Агъач – джерни чырайы, кийим – эрни чырайы.
- Эшекге миннген – биринчи айыб, андан джыгъылгъан – экинчи айыб.
- Сескекли кесин билдирир.
- Аз сёлеш, кёб ишле.
- Адебсиз адам – джюгенсиз ат.
- Акъылсызны джууукъгъа алма, акъыллыны кенгнге салма.
- Тилчи бир сагъатха айлыкъ хата этер.
- Кёб джат да, бек чаб.
- Джукъу тёшек сайламайды.
- Къуллукъчума, деб махтанма, къуллукъ – хаух джамчыды!
- Ашхы сёз таш тешер.
- Чомартха хар кюн да байрамды.
- Кенгеш болса, уруш болмаз.
- Айырылмаз джууугъунга, унутмаз сёзню айтма.
- Мал кёб болса, джууукъ кёб болур.
- Тёзген – тёш ашар!
- Джашынгы кесинг юретмесенг, джашау юретир.
- Ат да турмайды бир териде.
- Иги адамны бир сёзю эки болмаз.
- Къарын къуру болса, джюрек уру болур.
- Нарт сёз – тилни бети.
- Джашда акъыл джокъ, къартда къарыу джокъ.
- Аман хансны – урлугъу кёб.
- Ауругъаннга – кийик саулукъ, джетген къызгъа – чилле джаулукъ.
- Джогъун бар этген, барын бал этген.
- Ауузу бла къуш тута айланады.
- Суу ичген шауданынга тюкюрме.
- Адебни адебсизден юрен.
- Хата – гитчеден.
- Аякъларынгы джууургъанынга кёре узат.
- Келгинчи, къонакъ уялыр, келгенден сора, къонакъбай уялыр.
- Адам къыйынлыгъын кёлтюрюр, зауукълугъун кёлтюрмез.
- Ёзденликни джайгъан – джокълукъ.
- Эрни эр этерик да, къара джер этерик да, тиширыуду.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёбге таш атма.
- Бал – татлы, балдан да бала – татлы.
- Джерни букъусу кёкге къонмаз.
- Тил – кесген бычакъ, сёз – атылгъан окъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Сакъ юйюне сау барыр.
- Чарсда алчыны эл кёреди.
- Джарлыны эшигин махтагъан джабар.
- Чабакъсыз кёлге къармакъ салгъанлыкъгъа, чабакъ тутмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72