- Нарт сёз – тилни бети.
- Къолу уллу – асыу, аягъы уллу – джарсыу.
- Аджаллыгъа окъсуз шкок атылыр.
- Билимден уллу байлыкъ джокъду.
- Ёлмесенг да, къарт дамы болмазса?
- Къонагъынгы артмагъын алма да, алгъышын ал.
- Адамгъа аман кюн соруб келмейди.
- Хансыз джомакъ болмаз.
- Кеси юйюмде мен да ханма.
- Ашына кёре табагъы, балына кёре къалагъы.
- Ачылгъан эт джабылыр, кёрген кёз унутмаз.
- Арба аугъандан сора, джол кёргюзтюучю кёб болур.
- Хар зат кесини орнуна иги.
- Таш ата билмеген, башына урур.
- Тойгъанлыкъ къойгъа джарашады.
- Къыз тиширыу кеси юйюнде да къонакъды.
- Бир онгсуз адам адет чыгъарды, деб эштирик тюлсе.
- Башынга джетмегенни сорма.
- Экеулен сёлеше тура эселе, орталарына барыб кирме.
- Къарнынг бла ёч алма.
- Игилик игилик бла сингдирилиучю затды.
- Байны къызы баймакъ болса да, юйде къалмаз!
- Адам туугъан джеринде, ит тойгъан джеринде.
- Джолунга кёре – джюрюшюнг, джагъанга кёре – юлюшюнг.
- Джумушакъ сёз къаты таякъны сындырыр.
- Билмейме деген – бир сёз
- Чомартны къолу берекет.
- Билим насыб берир, билим джолну керир.
- Кийимни бичсенг, кенг бич, тар этген къыйын тюлдю.
- Ариу сёзде ауруу джокъ.
- Айран ичген – къутулду, джугъусун джалагъан – тутулду.
- Аллахдан тилесенг, кёб тиле.
- Иесиз малны бёрю ашар.
- Къая джолда джортма, ачыкъ сёзден къоркъма.
- Джылыгъа джылан илешир.
- Ёлген аслан – сау чычхан.
- Айтхан сёзюне табылгъан.
- Халкъгъа джарагъан, джарлы къалмаз.
- Къар – келтирди, суу – элтди.
- Таукел къуру къалмаз.
- Хар адамгъа кеси миннген тау кибик.
- Арпа, будай – ащды, алтын, кюмюш а – ташды.
- Ач отунчуну ачыуу – бурнунда.
- Сёз – кюмюш, джыр – алтын.
- Баргъанынга кёре болур келгенинг.
- Тулпарлыкъ, билекден тюл – джюрекден.
- Телини эшигин, махтау джабар.
- Ачны эсинде – аш.
- Къумурсхала джыйылсала, пилни да джыгъадыла.
- Таукел тауну аудурур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72