Эльбрусоид :: Форум :: Архив форумов

Джангызны оту джарыкъ джанмаз!
Аджал соруб келмез, келсе, къайтыб кетмез.
Хунаны тюбюн къазсанг, юсюнге ауар.
Тюкюрюк баш джармаз, налат кёз чыгъармаз!
Къанны къан бла джуума, аманны аман бла къуума.
Ишлемеген – тишлемез.
Орундукъ тюбюнде атылсам да, орта джиликме, де да айлан.
Джашлыкъ этмеген, башлыкъ этмез.
Къулакъдан эсе, кёзге ышан.
Мен да «сен», дейме, сен да «кесим», дейсе.
Аман эсирсе, юйюн ояр.
Хар ишни да аллы къыйынды.
Акъылсызны джууукъгъа алма, акъыллыны кенгнге салма.
Эрни эр этерик да, къара джер этерик да, тиширыуду.
Тойгъа барсанг, тоюб бар, эски тонунгу къоюб бар.
Аманны къуугъан, аманлыкъ табар.
Аманнга алтын чыдамаз.
Ариу сёзде ауруу джокъ.
Садакъачыны джаны – къапчыгъында.
Тойчу джашха къарама, къойчу джашха къара.
Алтыда кюлмеген, алтмышда кюлмез.
Абынмазлыкъ аякъ джокъ, джангылмазлыкъ джаякъ джокъ.
«Ма», - дегенни билмесенг, «бер», - дегенни билмезсе.
Ёгюзню мюйюзюнден тутадыла, адамны сёзюнден тутадыла.
Джылыгъа джылан илешир.
Ёлген эшек бёрюден къоркъмайды.
Башы джабылгъан челекге, кир тюшмез.
Эринчекни аурууу – кёб.
Къыз тиширыу кеси юйюнде да къонакъды.
Чомарт къолда мал къалмаз.
Сакъ юйюне сау барыр.
Тёрени джагъы джокъ.
Арба аугъандан сора, джол кёргюзтюучю кёб болур.
Эки къатын алгъан – эки ташны ортасына башын салгъан.
Бал – татлы, балдан да бала – татлы.
Джан саулукъ бермей, сан саулукъ бермезсе.
Байны оноуу, джарлыгъа джарамаз.
Душманны тышы – акъ, ичи – къара.
Биреуню къыйынлыгъы бла кесинге джол ишлеме.
Азыкълы ат арымаз, къатыны аман джарымаз.
Ана къойну – балагъа джандет.
Къарын къуру болса, джюрек уру болур.
Таукел тауну аудурур.
Къартха ушагъан джаш – акъыллы, джашха ушагъан къарт – тели.
Босагъа таш юйге кирмей эди, тыбыр таш эшикге чыкъмай эди.
Кийиминг бла танылма, адамлыкъ бла таныл.
Айырылгъанланы айю ашар, бёлюннгенлени бёрю ашар.
Бичгенде ашыкъма, тикгенде ашыкъ.
Къыз чыгъаргъан – къызыл къымжа.
Акъыл къартда, джашда тюйюлдю – башдады.

Логин:
Пароль:
	Запомнить меня на этом компьютере

Забыли свой пароль?
Регистрация