- Аш кетер да бет къалыр.
- Аманнга игилик этсенг, юйюнге сау бармазса.
- Кимни – тили, тиши онглу, кимни – къолу, иши онглу.
- Кеси юйюмде мен да ханма.
- Къыйынлы джети элге оноу этер.
- Чакъырылмагъан къонакъ тёрге атламаз.
- Ариу сёз – джаннга азыкъ, аман сёз – башха къазыкъ.
- Баш болса, бёрк табылыр.
- Ач да бол, токъ да бол – намысынга бек бол.
- Ачылгъан эт джабылыр, кёрген кёз унутмаз.
- Эл бла кёргенинг эрелей.
- Къошда джокъгъа – юлюш джокъ.
- Ана къолу ачытмаз.
- Чыбыкълыкъда бюгюлмеген, къазыкълыкъда бюгюлмей эди.
- Эм ашхы къайын ана мамукъ бла башынгы тешер.
- Бозаны арты дауур болур.
- Кийиминг бла танылма, адамлыкъ бла таныл.
- Босагъа таш юйге кирмей эди, тыбыр таш эшикге чыкъмай эди.
- Джангызны оту джарыкъ джанмаз!
- Ойнаб айтсанг да, эслеб айт.
- Уллу атлама – абынырса, уллу къабма – къарылырса.
- Олтуруб кёрюнмей эди да, ёрге туруб кёрюне эди.
- Юй ишлеген балта эшикде къалыр.
- Ашда уялгъан – мухар, ишде уялгъан – хомух.
- Къонакъ болсанг, ийнакъ бол.
- Харам къарнашдан, халал тенг ашхы.
- Намысы джокъну – дуниясы джокъ.
- Сабийликде юретмесенг, уллу болса – тюзелмез.
- Къыз келсе, джумуш эте келеди, къатын келсе, ушакъ эте келеди.
- Чомарт къонакъ юй иесин сыйлар.
- Кюлме джашха – келир башха.
- Сакъламагъан затынга джолукъсанг, не бек къууанаса, не бек ачыйса.
- Эм уллу байлыкъ – джан саулукъ.
- Малны кют, джерни тюрт.
- Атынг аманнга чыкъгъандан эсе, джанынг тамагъынгдан чыкъсын.
- Адамгъа аман кюн соруб келмейди.
- Сууда джау джокъ, кёб сёзде магъана джокъ.
- Ачыу алгъа келсе, акъыл артха къалады.
- Аякъларынгы джууургъанынга кёре узат.
- Биреу ашаб къутулур, биреу джалаб тутулур.
- Биреуге аманлыкъны тилеме да, кесинге ашхылыкъны тиле.
- Башсыз урчукъ тюзюне айланмаз.
- Ышармагъан – кюлмез, кюлмеген – къууанчны билмез.
- Тас болгъан бычакъны сабы – алтын.
- Кенгеш болса, уруш болмаз.
- Билими азны – ауузунда кирит.
- Ургъан суудан башынгы сакъла.
- Экеу тутушса, биреу джыгъылыр.
- Тилчи бир сагъатха айлыкъ хата этер.
- Бермеген къол, алмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72