- Юре билмеген ит, къонакъ келтирир.
- Азыгъы аз, алгъа къабар, аты аман, алгъа чабар.
- Тулпарлыкъ, билекден тюл – джюрекден.
- Ариу сёз – джаннга азыкъ, аман сёз – башха къазыкъ.
- Джыгъылгъанны сырты джерден тоймаз.
- Дженгил джетерикме деб, узун джолну къоюб, къысхасын барма.
- Ачны эсинде – аш.
- Ишлегенде эринме, ишде чолакъ кёрюнме.
- Чакъырылмагъан къонакъ къачан кетерин сормаз.
- Суу да къайтады чыкъгъан джерине.
- Къонакъны къачан кетерин сорма, къачан келлигин сор.
- Иги адамны бир сёзю эки болмаз.
- Ашхы тенг джолгъа салыр, аман тенг джолдан тайдырыр.
- Кенгеш болса, уруш болмаз.
- «Ма», - дегенни билмесенг, «бер», - дегенни билмезсе.
- Суугъа – таянма, джаугъа – ийнанма.
- Терслик кетер, тюзлюк джетер.
- Аманны къуугъан, аманлыкъ табар.
- Кёб джат да, бек чаб.
- Башланнган иш битер, къымылдагъан тиш тюшер.
- Айныгъанлы алты кюн, тогъайгъанлы тогъуз кюн.
- Тау башында, тау болмаз, джангыз терек, бау болмаз.
- Акъыл аздырмаз, билим тоздурмаз.
- Эрине къаргъыш этген къатын, эрнин къабар.
- Джырына кёре эжиую.
- Ата – билек, ана – джюрек!
- Мухардан ач ычхынмаз.
- Къазанны башы ачыкъ болса, итге уят керекди.
- Аман адамны тепсинге олтуртсанг, къызынгы тилер.
- Шайтан алдады, тюзлюк къаргъады.
- Дуния аламаты сен эсенг да, игиме деб айтма.
- Тойчу джашха къарама, къойчу джашха къара.
- Джашда акъыл джокъ, къартда къарыу джокъ.
- Къумурсхала джыйылсала, пилни да джыгъадыла.
- Этни да ашады, бетни да ашады.
- Азыкъ аз болса, эртде орун сал.
- Сууда джау джокъ, кёб сёзде магъана джокъ.
- Адамны бетине къарама, адетине къара.
- Билимсиз иш бармаз.
- Телиге от эт десенг, юйюнге от салыр.
- Кёпюр салгъан кеси ётер, уру къазгъан кеси кетер.
- Адамны сабийин сюйген джюреги, бычакъча, джитиди.
- Билгенни къолу къарны джандырыр.
- Аман адам элни бир-бирине джау этер.
- Къыз тиширыу кеси юйюнде да къонакъды.
- Бир абыннган – минг сюрюнюр.
- Накъырданы арты керти болур.
- Ариу сёз джыланны орнундан чыгъарыр.
- Бек ашыкъгъан меннге джетсин, дегенди аракъы.
- Биреуге аманлыкъны тилеме да, кесинге ашхылыкъны тиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72