- Татлы тилде – сёз ариу, чемер къолда – иш ариу.
- Къонакъны къачан кетерин сорма, къачан келлигин сор.
- Хансыз джомакъ болмаз.
- Эки къатын алгъан – эки ташны ортасына башын салгъан.
- Ёксюзню къалачы уллу кёрюнюр.
- Айырылмаз джууугъунга, унутмаз сёзню айтма.
- Эли джокъну – кёлю джокъ.
- Кесинг сынамагъан затны, адамгъа буюрма.
- Билими азны – ауузунда кирит.
- Илму – джашауну джолу.
- Хар зат кесини орнуна иги.
- Ёпкелегенни ашы татлы болады.
- Ашына кёре табагъы, балына кёре къалагъы.
- Джеринден айырылгъан – джети джылар, джуртундан айырылгъан – ёлгюнчю джылар.
- Джырчы джырчыгъа – къарнаш.
- Сормай – алма, чакъырылмай – барма.
- Чабакъ башындан чирийди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адамны артындан къара сабан сюрме.
- Ач отунчуну ачыуу – бурнунда.
- Ёзденликни джайгъан – джокълукъ.
- Адамны адамлыгъы къыйынлыкъда айгъакъланады.
- Адамны джюреги нени кёрюрге сюйсе, кёзю да аны кёрюрге ёч болады.
- Иги джашны ышаны – аз сёлешиб, кёб тынгылар.
- Сёз сёзню айтдырыр.
- Ишлемеген – тишлемез.
- Къыйынлы джети элге оноу этер.
- Хата – гитчеден.
- Кесине гебен этелмеген, биреуге черен эте эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ата Джуртча джер болмаз, туугъан элча эл болмаз.
- Адеб базарда сатылмаз.
- Эр абынмай, эл танымаз.
- Ханнга да келеди хариблик.
- Джаным-тиним – окъуу, билим.
- Къоркъакъны кёзю экили кёрюр.
- Эл ауузу – элек, анга ийнаннган – халек.
- Зарда марда джокъ.
- Ёлюр джаннга, ёкюл джокъ.
- Кийимни бичсенг, кенг бич, тар этген къыйын тюлдю.
- Ариу сёз джыланны орнундан чыгъарыр.
- Чомартны къолун джокълукъ байлар.
- Ачлыкъ отха секиртир.
- Джан саулукъ бермей, сан саулукъ бермезсе.
- Ач келгенни – тойдур, кеч келгенни – къондур.
- Ишге юренсин къоллары, халкъ бла болсун джоллары.
- Юй кюйдю да, кюйюз чыкъды, ортасындан тюйюш чыкъды.
- Джиби бир къат джетмей эди да, эки къат тарта эди.
- Аман хансны – урлугъу кёб.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72