- Ишлегенден, къарагъан уста.
- Ёзденликни кёбю ётюрюк.
- Ётюрюк хапар аякъ тюбю бла джюрюйдю.
- Адамны бетине къарама, адетине къара.
- Тилсиз миллет джокъ болур.
- Джарлыны эшигин махтагъан джабар.
- Сёз – кюмюш, джыр – алтын.
- Гитче джилтин уллу элни джандырыр.
- Ашда – бёрю, ишде – ёлю.
- Хантына кёре тузу, юйюне кёре къызы.
- Иги – алгъыш этер, аман – къаргъыш этер.
- Аманны эки битли тону болур, бирин сеннге кийдирир, бирин кеси киер.
- Къызны минг тилер, бир алыр.
- Байлыкъдан саулукъ ашхыды.
- Чомартха Тейри да борчлуду.
- Тили узунну, намысы – къысха.
- Кюлме джашха – келир башха.
- Айран тёгюлсе, джугъусу къалыр.
- Кёлсюзден сёзсюз тууар.
- Нёгер болсанг, тенг бол, тенг болмасанг, кенг бол.
- Таукел тауну аудурур.
- Экеулен сёлеше тура эселе, орталарына барыб кирме.
- Тилде сюек болмаса да, сюек сындырыр.
- Адамгъа аман кюн соруб келмейди.
- Сормай – алма, чакъырылмай – барма.
- Аш кетер да бет къалыр.
- Адам сёзге тынгыла, акъыл сёзню ангыла.
- Ашха уста, юйюнде болсун
- Зарда марда джокъ.
- Ишленмеген джаш – джюгенсиз ат, ишленмеген къыз – тузсуз хант.
- Дуния мал дунияда къалады.
- Малны кют, джерни тюрт.
- Акъыл бла адеб эгизледиле.
- Нарт сёз – тилни бети.
- Къобан да къуру да къобханлай турмайды, адам да къуру да патчахлай турмайды.
- Атадан ёксюз – бир ёксюз, анадан ёксюз – эки ёксюз.
- Ётюрюкню башын керти кесер.
- Ойнаб айтсанг да, эслеб айт.
- Акъыллы айтыр эди, акъылсыз къоймайды.
- Аякъларынгы джууургъанынга кёре узат.
- Келгинчи, къонакъ уялыр, келгенден сора, къонакъбай уялыр.
- Ариу джол аджал келтирмез.
- Чомарт бергенин айтмаз.
- Джыгъылгъанны сырты джерден тоймаз.
- Окъугъан озар, окъумагъан тозар.
- Акъдан къара болмаз.
- Рысхысына кёре, джаш ёсер, къышлыгъына кёре, мал ёсер.
- Къонагъынгы артмагъын алма да, алгъышын ал.
- Ачыкъ джюрекге джол – ачыкъ.
- Ишлегенде эринме, ишде чолакъ кёрюнме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72