- Билмегенинги, билгеннге сор.
- Уллу сёлешме да, уллу къаб.
- Ашхы – джыяр, аман – джояр.
- Чомартха Тейри да борчлуду.
- Тёрде – темир таякълы, къаяда – чыпчыкъ аякълы.
- Башынга джетмегенни сорма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ётюрюк хапар аякъ тюбю бла джюрюйдю.
- Къууут – джелге, берне – бошха.
- Къонакъ аман болса, къонакъбай джунчур
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къартны сыйын кёрмеген, къартлыгъында сыйлы болмаз.
- Илму – джашауну джолу.
- Ашлыкъ – бюртюкден, джюн – тюкден.
- Ишин билген, аны сыйын чыгъарады.
- Рысхы – сют юсюнде кёмюк кибикди.
- Атлыны ашхысы, ат тизгининден билинир
- Ач уят къоймаз.
- Сескекли кесин билдирир.
- Мухарны эси – ашарыкъда.
- Дууулдаса – бал чибин, къонса – къара чибин.
- Джюрек кёзден алгъа кёрюр.
- Аман адам этегингден тутса, кес да къач.
- Эшекге миннген – биринчи айыб, андан джыгъылгъан – экинчи айыб.
- Тюзлюк шохлукъну бегитир.
- Билимсиз иш бармаз.
- Адам къыйынлыгъын кёлтюрюр, зауукълугъун кёлтюрмез.
- Тили узунну, намысы – къысха.
- Тил – миллетни джаны.
- Атадан ёксюз – бир ёксюз, анадан ёксюз – эки ёксюз.
- Ариу джол аджал келтирмез.
- Арбаз къынгырды да, ийнек сауалмайма.
- Намыс болмагъан джерде, насыб болмаз.
- Кёб джашагъан – кёб билир.
- Эрине къаргъыш этген къатын, эрнин къабар.
- Экеу тутушса, биреу джыгъылыр.
- Джигер – джаннга къыйынлыкъ.
- Термилгенинги табмазса, кюлгенинге тюберсе.
- Айранын берсенг, челегин да къызгъанма.
- Биреу ашаб къутулур, биреу джалаб тутулур.
- Ишге юренсин къоллары, халкъ бла болсун джоллары.
- Кёзню ачылгъаны – иги, ауузну джабылгъаны – иги.
- Билим къая тешер.
- Таукел адам тау тешер.
- Бети – къучакълар, джюреги – бычакълар.
- Тенги кёбню джау алмаз, акъылы кёбню дау алмаз.
- Чомарт джарлы болмаз.
- Эл бла кёргенинг эрелей.
- Баргъанынга кёре болур келгенинг.
- Къанны къан бла джуума, аманны аман бла къуума.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72