- Джыланны къуйругъундан басарынг келсе, аны башы болгъанын унутма.
- Ауузу аманнга «иги», деме.
- Окъуу – билимни ачхычы, окъуу – дунияны бачхычы.
- Махтаннган къыз, тойда джукълар.
- Адам къыйынлыгъын кёлтюрюр, зауукълугъун кёлтюрмез.
- Ана кёлю – балада, бала кёлю – талада.
- Сёз садакъдан кючлюдю.
- От этилмеген джерден тютюн чыкъмайды.
- Гырджын – тепсини тамадасы.
- Къонакъны къачан кетерин сорма, къачан келлигин сор.
- Таукел адам тау тешер.
- Иши джокъну, сыйы джокъ.
- Билим насыб берир, билим джолну керир.
- Эрни эр этерик да, къара джер этерик да, тиширыуду.
- Айырылгъанланы айю ашар, бёлюннгенлени бёрю ашар.
- Адамны сабийин сюйген джюреги, бычакъча, джитиди.
- Аз айтсам, кёб ангылагъыз.
- Чакъырылмагъан къонакъ къачан кетерин сормаз.
- Акъыллы – эл иеси, тели – эл баласы.
- Тамбла алтындан бюгюн багъыр ашхы.
- Адам сёзге тынгыла, акъыл сёзню ангыла.
- Тёзгеннге, джабылгъан эшик ачылыр.
- Къыз тиширыу кеси юйюнде да къонакъды.
- Сакъалы текени да бар, мыйыгъы киштикни да бар.
- Аш берме да, къаш бер.
- Эли джокъну – кёлю джокъ.
- Ишленмеген джаш – джюгенсиз ат, ишленмеген къыз – тузсуз хант.
- Орну джокъну – сыйы джокъ.
- Ашхы сёз таш тешер.
- Ашлыкъны арба юйге келтирир, чана базаргъа элтир.
- Татлы тилде – сёз ариу, чемер къолда – иш ариу.
- Къумурсхала джыйылсала, пилни да джыгъадыла.
- Онгсузну – джакъла, тенгликни – сакъла.
- Тенгинг джокъ эсе – изле, бар эсе – сакъла!
- Джан саулукъ бермей, сан саулукъ бермезсе.
- Джаш болсун, къыз болсун, акъылы, саны тюз болсун.
- Хазыр ашха – терен къашыкъ.
- Тёзген – тёш ашар!
- Атынг аманнга чыкъгъандан эсе, джанынг тамагъынгдан чыкъсын.
- Тыш элде солтан болгъандан эсе, кесинги элде олтан болгъан игиди!
- Джашда акъыл джокъ, къартда къарыу джокъ.
- Ата Джуртуму башы болмасам да, босагъасында ташы болайым.
- Кёбге таш атма.
- Къыз келсе, джумуш эте келеди, къатын келсе, ушакъ эте келеди.
- Ойнай билмеген, уруб къачар.
- Биреуню къыйынлыгъы бла кесинге джол ишлеме.
- Орундукъ тюбюнде атылсам да, орта джиликме, де да айлан.
- Гыдай эчки суугъа къараб, мюйюзле кёрмесе, джашма алкъын, дегенди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойчу джашха къарама, къойчу джашха къара.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72