- Тёзген – тёш ашар!
- Хар сёзню орну барды.
- Адеб базарда сатылмаз.
- Ёпкелегенни ашы татлы болады.
- Бет бетге къараса, бет да джерге къарар.
- Зар адамны насыбы болмаз.
- Къарнынг бла ёч алма.
- Джарлы эскисин джамаса, къууаныр.
- Акъдан къара болмаз.
- Кеси юйюмде мен да ханма.
- Айтхан – тынч, этген – къыйын.
- Джарлы тюеге минсе да, ит къабар.
- Джарлы джети элни сёзюн этер.
- Ач къалгъандан, кеч къалгъан къолай.
- Джарашыу сюйген – джалынчакъ.
- Къошда джокъгъа – юлюш джокъ.
- Суу да къайтады чыкъгъан джерине.
- Битмегеннге сакъал – танг.
- Тили узунну, намысы – къысха.
- Юй кюйдю да, кюйюз чыкъды, ортасындан тюйюш чыкъды.
- Ашха уста, юйюнде болсун
- Ашхы атаны – джашы ашхы, ашхы ананы – къызы ашхы.
- Арбаз сайлама да, хоншу сайла.
- Джырына кёре эжиую.
- Этим кетсе да, сюегим къалыр.
- Башланнган иш битер, къымылдагъан тиш тюшер.
- Игилик игилик бла сингдирилиучю затды.
- Кийимни бичсенг, кенг бич, тар этген къыйын тюлдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Хунаны тюбюн къазсанг, юсюнге ауар.
- Бети къызарыучу адамны, джюреги харам болмаз.
- Къартха ушагъан джаш – акъыллы, джашха ушагъан къарт – тели.
- Мени джылытмагъан кюн, меннге тиймесин!
- Ач отунчуну ачыуу – бурнунда.
- Сёлеш деб шай берген, тохта деб, сом берген.
- Башсыз урчукъ тюзюне айланмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Туз, гырджын аша, тюзлюк бла джаша.
- Дуния мал дунияда къалады.
- Хазыр ашха – терен къашыкъ.
- Ачлыкъда тары гырджын халыуадан татлы.
- Ачыу алгъа келсе, акъыл артха къалады.
- Аз сёлешген, къайгъысыз турур.
- Аз сёлеш, кёб ишле.
- Ариу сёз – къылычдан джити.
- Адамны сабийин сюйген джюреги, бычакъча, джитиди.
- Акъыл неден да кючлюдю.
- Тели турса – той бузар.
- Эл тойса, тоймагъан, эл къойса, къоймагъан.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72