- Чомарт къонакъ юй иесин сыйлар.
- Тил бла келеди джыр да.
- Адам сёзюнден белгили.
- Джарашыу сюйген – джалынчакъ.
- Оюмсуз атлагъан, аджалсыз ёлюр.
- Тёрени джагъы джокъ.
- Ариу сёз – къылычдан джити.
- Ариу сёзде ауруу джокъ.
- Бир абыннган – минг сюрюнюр.
- Ышармагъан – кюлмез, кюлмеген – къууанчны билмез.
- Бозанг болмагъан джерге, къалагъынгы сукъма.
- Ачны эсинде – аш.
- Айыбны суу бла джууалмазса.
- Билмезни кёзю кёрмез, этмезни къулагъы эшитмез.
- Тойгъа барсанг, тоюб бар, эски тонунгу къоюб бар.
- Къарнынг тойгъунчу аша да, белинг талгъынчы ишле.
- Тойгъан джерден туугъан джер игиди.
- Гугурук къычырмаса да, тангны атары къалмаз.
- Термилгенинги табмазса, кюлгенинге тюберсе.
- Сыфатында болмагъаны, суратында болмаз.
- Азыкълы ат арымаз, къатыны аман джарымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билген билмегенни юретген адетди.
- Ишни ахырын ойламай, аллын башлама.
- Ат да турмайды бир териде.
- Аз айтсам, кёб ангылагъыз.
- Эркиши – от, тиширыу – суу.
- Джырчы джырчыгъа – къарнаш.
- Къонакъ кёб келюучю юйню, къазаны отдан тюшмез.
- Къатыны харакетли болса, эри къымсыз болур.
- Алгъанда – джууукъ, бергенде – джау.
- Кёзюнде тереги болгъан, чёбю болгъаннга кюле эди.
- Миллетни бойну – базыкъ, аны бла кюрешген – джазыкъ.
- Билими азны – ауузунда кирит.
- Биреуге аманлыкъны тилеме да, кесинге ашхылыкъны тиле.
- Эте билген, этген этеди, эте билмеген, юретген этеди!
- Бек анасы джыламаз.
- Суугъа – чабакъ, къаягъа – ыргъакъ.
- Уллу суу бла уллу ауруудан башынгы сакъла.
- Чомарт джарлы болмаз.
- Адеби болмагъан къыз – тузсуз хант.
- Уллу сёзде уят джокъ.
- Кесине гебен этелмеген, биреуге черен эте эди.
- Биреу ашаб къутулур, биреу джалаб тутулур.
- Онгсузну – джакъла, тенгликни – сакъла.
- Хунаны тюбюн къазсанг, юсюнге ауар.
- Атлыны кёрсе, джаяуну буту талыр.
- Эр абынмай, эл танымаз.
- Алма терегинден кери кетмез.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72