- Биреу къой излей, биреу той излей.
- Ауругъанны сау билмез, ач къарынны токъ билмез.
- Шекер бла туз – бир болмаз, ушамагъан – юй болмаз.
- Тойгъа алгъа да барма, тойда артха да къалма.
- Кюн – узун, ёмюр – къысха.
- Адам сёзюнден белгили.
- Ётюрюкден тюбю джокъ, кёлтюрюрге джиби джокъ.
- Айтханы чапыракъдан ётмеген.
- Эки къатын алгъан – эки ташны ортасына башын салгъан.
- Таула не мийик болсала да, аууш табылыр.
- Мал тутхан – май джалар.
- Арба аугъандан сора, джол кёргюзтюучю кёб болур.
- Кюлме джашха – келир башха.
- Аман къатын сабий табса, бий болур…
- Артына баргъанны, къатына барма.
- Къартны бурнун сюрт да, оноугъа тут.
- Ашхы адам – халкъ байлыгъы, ашхы джер – джашау байлыгъы.
- Этим кетсе да, сюегим къалыр.
- Ким бла джюрюсенг, аны кёзю бла кёрюнюрсе.
- Чакъырылмагъан къонакъ къачан кетерин сормаз.
- Ханы къызы буюгъа-буюгъа киштик болду.
- Чыкълы кюнде чыкъмагъан, чыкъса къуру кирмеген.
- Тенгни тенглиги джашай барсанг билинир.
- Таякъ этден ётер, тил сюекден ётер.
- Джарлы джети элни сёзюн этер.
- Джюрекден джюрекге джол барды.
- Ач уят къоймаз.
- Нёгер болсанг, тенг бол, тенг болмасанг, кенг бол.
- Джумушакъ терекни къурт ашар.
- Ёлмесенг да, къарт дамы болмазса?
- Тюзлюк шохлукъну бегитир.
- Эр сокъур болсун, къатын тилсиз болсун.
- Ётген ёмюр – акъгъан суу.
- Болджал ишни бёрю ашар.
- Къая джолда джортма, ачыкъ сёзден къоркъма.
- Билимсиз иш бармаз.
- Харам къарнашдан, халал тенг ашхы.
- Гитче джилтин уллу элни джандырыр.
- Билими азны – ауузунда кирит.
- Биреуге аманлыкъны тилеме да, кесинге ашхылыкъны тиле.
- Азыгъы аз, алгъа къабар, аты аман, алгъа чабар.
- Бал чибинни ургъаны – ачы, балы – татлы.
- Иги болса, тамадама – махтау, аман болса, меннге – айыб.
- Адамны сабийин сюйген джюреги, бычакъча, джитиди.
- Къарт айтханны этмеген, къартаймаз.
- Тамбла алтындан бюгюн багъыр ашхы.
- Къарнынг тойгъунчу аша да, белинг талгъынчы ишле.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Ариу сёз джыланны орнундан чыгъарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72