- Дууулдаса – бал чибин, къонса – къара чибин.
- Ишлерге уял да, ашаргъа табма.
- Чёбню кёлтюрсенг, тюбюнден сёз чыгъар.
- Бозанг болмагъан джерге, къалагъынгы сукъма.
- Иесиз малны бёрю ашар.
- Хар сёзню орну барды.
- Адам боллукъ, атламындан белгили болур.
- Къонакъ кёб келюучю юйню, къазаны отдан тюшмез.
- Аманны къуугъан, аманлыкъ табар.
- Ёгюзню мюйюзюнден тутадыла, адамны сёзюнден тутадыла.
- Джарлыны тону джаз битер.
- Чакъырылмагъан джерге барма, чакъырылгъан джерден къалма.
- Акъыллы башны – тили къысха.
- Сагъыш – къартлыкъгъа сюйюмчю.
- Накъырда – кертини келечиси.
- Аякъларынгы джууургъанынга кёре узат.
- Джашда акъыл джокъ, къартда къарыу джокъ.
- Аш иеси бла татлыды.
- Билмейме деген – бир сёз
- Кёзден кетген, кёлден да кетеди.
- Къыз келсе, джумуш эте келеди, къатын келсе, ушакъ эте келеди.
- Чабакъ башындан чирийди.
- Бир абыннган – минг сюрюнюр.
- Джылар джаш, атасыны сакъалы бла ойнар.
- Элге къуллукъ этмеген, элге ие болмаз.
- Къолунгдан къуймакъ ашатсанг да, атаны борчундан къутулмазса.
- Биреуге кёлтюрген таягъынг, кесинги башынга урур.
- Ашхы сёз таш тешер.
- Къыйынлы джети элни къайгъысын этер.
- Эшекни не къадар тюйсенг да, ат болмаз.
- Адеб джокъда, намыс джокъ.
- Джигер – джаннга къыйынлыкъ.
- Хар адамгъа кеси миннген тау кибик.
- Окъуусуз билим – джокъ, билимсиз кюнюнг – джокъ.
- Окъуу – билимни ачхычы, окъуу – дунияны бачхычы.
- Ханнга да келеди хариблик.
- Гырджын – тепсини тамадасы.
- Къайтырыкъ эшигинги, къаты уруб чыкъма.
- Аманнга игилик этсенг, юйюнге сау бармазса.
- Кесинг сынамагъан затны, адамгъа буюрма.
- Джаным-тиним – окъуу, билим.
- Насыблы элин сюер, насыбсыз кесин сюер.
- Душманны тышы – акъ, ичи – къара.
- Къуру гыбыт бек дыгъырдар.
- Къарнынг бла ёч алма.
- Джангыз торгъай джырламаз.
- Къонакъ болсанг, ийнакъ бол.
- Бир онгсуз адам адет чыгъарды, деб эштирик тюлсе.
- Мухар, кеси тойса да, кёзю тоймаз.
- Ёзденликни кёбю ётюрюк.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72