- Эркиши – от, тиширыу – суу.
- От этилмеген джерден тютюн чыкъмайды.
- Тас болгъан бычакъны сабы – алтын.
- Акъыл къартда, джашда тюйюлдю – башдады.
- Тешигини къатында, чычхан да батыр болур.
- Джангыз терек къынгыр ёсер.
- Арбаз къынгырды да, ийнек сауалмайма.
- Итли къонакъ джарашмаз.
- Сескекли кесин билдирир.
- Ишге юренсин къоллары, халкъ бла болсун джоллары.
- Ётген ёмюр – акъгъан суу.
- Ата – баланы уясы.
- Чомарт джарлы болмаз.
- Кёпюр салгъан кеси ётер, уру къазгъан кеси кетер.
- Эртде тургъан бла эртде юйленнген сокъуранмаз.
- Билеги кючлю, бирни джыгъар, билими кючлю, мингни джыгъар.
- Киштикге къанат битсе, чыпчыкъ къалмаз эди.
- Орну джокъну – сыйы джокъ.
- Нафысынгы айтханын этме, намысынгы айтханын эт.
- Къыз чыгъаргъан – къызыл къымжа.
- Джол бла сёзню къыйыры джокъ.
- Ашда уялгъан – мухар, ишде уялгъан – хомух.
- Ёзденликни джайгъан – джокълукъ.
- Суу кетер, таш къалыр.
- Ёзденликни кёбю ётюрюк.
- Аз сёлеш, кёб ишле.
- Байма, деб да, къууанма, джарлыма, деб да, джылама.
- Зар адам ашынгы ашар, кесинги сатар.
- Алтыннга тот къонмаз.
- Аз айтсам, кёб ангылагъыз.
- Айранны сюйген, ийнек тутар.
- Акъылсызны джууукъгъа алма, акъыллыны кенгнге салма.
- Окъугъанны бети джарыкъ.
- Битмегеннге сакъал – танг.
- Джырына кёре эжиую.
- Келгинчи, къонакъ уялыр, келгенден сора, къонакъбай уялыр.
- Ата Джуртча джер болмаз, туугъан элча эл болмаз.
- Ётюрюкню башын керти кесер.
- Эки элинги тыйсанг, джети элде махталырса.
- Дуния аламаты сен эсенг да, игиме деб айтма.
- Башланнган иш битер, къымылдагъан тиш тюшер.
- Душманны тышы – акъ, ичи – къара.
- Байдан умут эте, джарлыдан ёгюз багъасы къорады.
- Ашыкъгъанны этеги бутуна чырмалыр.
- Магъанасыз сёз – тауушсуз сыбызгъы.
- Адам къаллай бир ишленмесе, аллай бир кесин уллу кёреди.
- Тёрени джагъы джокъ.
- Игиге айтсанг – билир, аманнга айтсанг – кюлюр.
- Мухарны эси – ашарыкъда.
- Чабакъсыз кёлге къармакъ салгъанлыкъгъа, чабакъ тутмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72