- Ёгюзню мюйюзлери ауурлукъ этмейдиле.
- Ачлыкъда тары гырджын халыуадан татлы.
- Ёлюк кебинсиз къалмаз.
- Ойнай билмеген, оюн бузар.
- Ашда уялгъан – мухар, ишде уялгъан – хомух.
- Таукел къуру къалмаз.
- Чомарт джарлы болмаз.
- Къолунгдан къуймакъ ашатсанг да, атаны борчундан къутулмазса.
- Ашхы атаны – джашы ашхы, ашхы ананы – къызы ашхы.
- Баланы адам этген анады.
- Ёксюзню къалачы уллу кёрюнюр.
- Намыс сатылыб алынмайды.
- Кесинге джетмегенни, кёб сёлешме.
- Акъыллы айтыр эди, акъылсыз къоймайды.
- Бёрю да ач къалмасын, эчки да ашалмасын.
- Чоюнну башы ачыкъ болса, итге уят керекди.
- Тенги кёбню джау алмаз, акъылы кёбню дау алмаз.
- Кёл ашады да, кеси ашады.
- Ариу – кёзге, акъыл – джюрекге.
- Къарын къуру болса, джюрек уру болур.
- Тиширыусуз юй – отсуз от джагъа.
- Аман къатын алгъан, арыр, иги къатын алгъан джарыр.
- Джетген къыз джерли эшекни танымаз.
- Окъуу – билимни ачхычы, окъуу – дунияны бачхычы.
- Кёл – къызбай, къол – батыр.
- Кеси юйюмде мен да ханма.
- Бермеген къол, алмайды.
- Тил джюрекге джол ишлейди.
- Тилчи тилден къаныкъмаз.
- Сабыр джетер муратха, сабырсыз къалыр уятха.
- Адам сёзге тынгыла, акъыл сёзню ангыла.
- Къонакъ кёб келюучю юйню, къазаны отдан тюшмез.
- Юре билмеген ит, къонакъ келтирир.
- Аз айтсам, кёб ангылагъыз.
- Уллу атлама – абынырса, уллу къабма – къарылырса.
- Суугъа – таянма, джаугъа – ийнанма.
- Сабий болмагъан джерде, мёлек болмаз.
- Кёкдеги болмаса, джердегин кёрмейди.
- Уллу къазанда бишген эт, чий къалмаз.
- Намыс болмагъан джерде, насыб болмаз.
- Къар – келтирди, суу – элтди.
- Нафысынгы айтханын этме, намысынгы айтханын эт.
- Джерни букъусу кёкге къонмаз.
- Уллу айтханны этмеген – уллаймаз.
- Джангызны оту джарыкъ джанмаз!
- Ачылгъан эт джабылыр, кёрген кёз унутмаз.
- Адеб базарда сатылмаз.
- Ашхы адам – халкъ байлыгъы, ашхы джер – джашау байлыгъы.
- Билмегенинги, билгеннге сор.
- Билим къая тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72